【理財個案】讀者因錯信朋友買入一隻股票，結果賺錢不成反慘被殺了70%！現只淨約10萬至15萬投資本金，想知如何可調整心情重新起步？想買平穩增值股票！
理財個案｜讀者來信：信朋友買1隻股票慘被殺70%
龔sir：小弟因信了朋友買了（2427.HK）慘被殺了70%。請問你如何可調整心情從新起步？現還有大概10-15萬投資資本，應該如何步處？買入D咩類型股票可平穩增值？現只持有少量（7500.HK , 7552.HK）感謝！
理財個案｜龔成老師分析︰先想風險 後想回報
記住，唔好有「心急」追翻輸的數，這是一個好錯的心理，而你想買的7XXX，都是槓杆類，你記住，我哋要先想風險，之後先想回報。我哋買入一隻股票，一定要知道佢質素、行業前景、財務狀況等，才去投資。如果你連間公司點賺錢、行內有乜優勢、點解未來有發展和增長潛力，都答唔倒自已，咁就要停一停，唔好投資住。
突然跌9成 典型的問題股
GUANZE MEDICAL（2427.HK）早前見佢突然跌左9成，是典型的問題股！睇佢的業務，上市時市值$5億，人為炒上到$50億，以佢一年只有$2000萬盈利來說，當時十分貴！之後股價大跌，近期市值去翻$3億-$5億，回到合理價。
最好是賣出或反彈就減
由於佢業務普通，發展力不強，加上過往股價有這情況，最好都是賣出，或反彈就減。佢主要於中國山東省提供醫用影像膠片產品及醫學影像雲服務。業務包括醫用影像膠片產品業務：銷售從國際品牌（包括該醫學影像產品生產商）採購的醫用影像膠片，以及向醫院及醫療機構銷售自家（冠澤慧醫）品牌的醫用影像膠片，並向客戶提供相應的自助取片機、醫學影像打印機及醫學影像數據發行系統。
現價唔平 風險高
企業規模較細，雖然業務都有增長，但未見有明顯優勢，投資價值只是一般，未算吸引，加上現價唔平，風險高，投資值博率未算高。若你持貨較多，建議沽出部份，換至其他優質股。
兩倍反向表現工具 有槓杆成份
ＦＩ二南方恒指（7500.HK）和XI二南方恒科反向（7552.HK）這些兩倍反向表現（－２ｘ）工具，有槓杆成份，會將風險與回報放大，投資這類工具，要好小心風險，同時要準確預測短期股市走勢，並不容易。其實每個人投資(包括我自己)，都難免會有碰釘架情況，最重要係學識吸取教訓、累積經驗，從而長線慢慢提升自己的勝算。
先認真學好「真正」投資知識
坦白講，你現時係犯左好多新手經常出現錯誤，聽消息/信朋友/估走勢等，都係好多坊間投資者愛用架模式，所以好多散戶都一直輸錢。我建議你未來再大注投資前，先認真學好「真正」投資知識，以免將你辛辛苦苦儲的增值資金浪費。
建議多讀投資相關知識
我建議你要多讀投資相關書本、年報，新聞和報讀相關課程。書本上，你可以睇我寫的《80後千萬富翁》、《財務自由行》和《股票勝經》，都適合初學者，幫你理解翻到底正確投資是什麼一回事。
盡快開始做財富增值
當然，更理想係上堂，因為我會有系統地將一系列正確的投資概念和技巧，係課堂中教授，令你提升技能和知識上，可以更快和更準。若你本人唔係有睇開書習慣，或者希望可以爭取時間，盡快開始做財富增值，我會偏向建議你馬上抽時間去上堂。
本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
更多理財個案及股票投資入門內容
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
