【理財個案】讀者因瘋狂購物欠大量卡數需一年內還清！每月還債＋扣除日常開支後無錢剩，想知有何理財方法可還卡數同時儲到錢，並在清債後賺到第一桶金？
理財個案｜讀者來信：一年內要清債 每月無錢剩點儲錢
係咁嘅！我之前狂買野，差落銀行好多卡數，但而家已經洗心革面唔再買，慢慢還緊，想問下我有冇方法可以係還卡數時間入面仲可以儲到錢，同埋有咩方法可以係還清卡數之後賺到第一桶金。我扣晒所有的開支，每個月還晒卡數之後都冇錢淨，一年內都要還，好苦惱。
個案重點：
- 欠下不少卡數
- 一年內都要還
- 每月無錢剩
重點目標：
- 還錢同時能累積財富
- 還清卡數之後賺到第一桶金
理財個案｜龔成老師分析：3個解決方法
以你的情況，基本上可以有三個方法：
- 因為一年時間不算太久，不如把握這段時間先提升理財投資知識，等遲些有錢剩可以開始儲錢時，再配合投資技巧，進行合理的財富增值，效果會更好。
- 可以考慮做兼職，增加收入就可以有錢剩。
- 無本創業，細心想想下自己有甚麼興趣、強項，加以利用去賺錢，從小生意開始，更有可能發展成事業。
再問：有做兼職 屬唔穩定的副業
多謝你回答。其實我都有做下兼職，亦算係無本創業，但唔係每個月都有收入，屬於唔穩定嘅副業。我上個禮拜買咗你本書，仲睇緊，但發覺唔係所有內容都適合自己。
儲到10萬都唔識投資
我做文職，禮拜六日及紅日假期跟政府放假，你覺得我應該出去搵兼職做，只係專注副業？定係兩樣都要做。如果我今年開始儲錢，盡可能一年內儲到10萬。但當我有咗呢十萬，我唔知道應該點樣運用去投資。
理財個案｜龔成老師分析：要從長遠發展去思考
你可想多一些不同途俓的無本創業，書只是引導，但我相信你總能找出適合你的得著。另外，你不要太著重當刻的事況，反而要從長遠的發展去思考，無論是前途、能力、財富，舉例說：
- 創業現在無錢賺，但將來會建立到某些東西
- 兼職現在賺到錢，但對自己的提升，將來無任何幫助
自己才最了解哪選擇最佳
除非選擇2可以賺好多錢，否則必然是選1。當然，你自己才最了解哪選擇對你將來最佳的。其實有興趣應多掌試創業，不同的生意，開拓新事業，不一定實體的，網上都可以，若無興趣創業的話，就專注副業吧，有可能對將來較好。
投資較穩建低風險的工具
如果你無投資知識，那只適合投資較穩建的，即低風險的工具，例如收息股、指數基金等。但其實你可利用這一年時間，好好去提升理財知識，這些知識你終有用的，從書本及課堂中好好學習，之後你就能為自己去理財。
更多理財個案及理財方法內容
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
