【理財個案】讀者持有騰訊，當時買入價為658元！現時股價大跌，雖然明白長線投資不應看短暫股價，但歷時一年股價每況愈下，想知應否繼續持有？
理財個案（1）讀者來信：騰訊股價每況越下應否繼續持有
老師你好，睇你的fb 多年同睇你既書，承蒙賜教，有一問題想問，當時（0700.HK）買入價為$658，現時股價跌至266，一直覺得長線投資不應看短暫股價，但歷時一年股價每況愈下，是否應該繼續持有，感謝老師！
理財個案（1）龔成老師分析︰中短期波動可以不理
你講法都正確，一隻股票只要長線質素不變，其實中短期波動可以不理，一直持有就可以。不過，買入價貴，點都會對長線回報造成影響。
受政策因素影響 中短期弱
騰訊（0700.HK）業務主要係提供平台，如通訊平台、交易平台、入門網站、遊戲平台等，而收入來源則是其廷伸的服務，如增值服務、網絡廣告、電子商務交易等。近年受政策因素影響，中短期弱，企業的賺錢能力會略減，以及企業估值都會略減。
依然有長線投資價值
不過，相信政府唔係想佢經營唔到，只係想加大規管，令佢賺錢減少。此股依然有長線投資價值，但增長力唔會有以前咁強。現貨可以持有，但由於政策不確性都大，暫時要控制注碼。若持股不多，可以守。若持貨較多，最好減持少少，去平衡風險。
理財個案（2）讀者來信：盈富 vs 恒生中國企業ETF
龔sir， 我想請教一下如果第四季港股見底，而好多大股又俾大戶減持/清倉，唔知下個牛市買咩版塊較好(中線)？還是買長線ETF坐幾年勝算高？咁（2800.HK）同（2828.HK）兩隻你認為邊隻值得坐？THX...
理財個案（2）龔成老師分析︰投資唔會估走勢
我哋投資唔會估走勢，只會用長線投資價值去作分析。現時大市已經開始平，可以分注入貨，但未到大手入架時候。未來行業上，醫療、科技，可再生能源都係可留意版塊。但記住，個別行業再睇好，都唔好佔比超過組合30%，以免造成過度集中性風險。
中國企業ETF潛力和風險較高
盈富（2800.HK）和恒生中國企業ETF（2828.HK）都係有投資價值，後者潛力和風險都會較高，前者會平穏些。ETF由於係一籃子股票，一般長線勝算都會比個股高。如果你係初學者，投資ETF會係一個好選擇。相反，你有一定選股能力的話，自行尋找優質股，潛在回報一般會較好。
理財個案（3）讀者來信：心急買了好多股
老師，我已婚，有2個小朋友，之前有看過你嘅書，心急買了好多股票，現在應否減持？
2628.HK、0823.HK、1333.HK、1810.HK、1177.HK、1928.HK、9988.HK、0270.HK、3033.HK、3067.HK、3319.HK
理財個案（3）龔成老師分析︰
首先你要明白一個概念，我哋持有一隻股票與否，關鍵位是企業質素、前景，不要被買入價影響。因為我地買股票就是買企業。如果企業質素轉差，就要賣出。如果企業某些核心優勢減少左，就有機會減持，因此，我哋要分析企業的核心因素，一些長期的賺錢能力，有無改變。
整體持股都可以守
睇翻你個組合，持股都有增長力，適合年青至中年人士持有。現時全球經濟和不明朗因素較多，出現回調都正常。
整體而言，你持股都可以守，但你要留意翻以下幾點︰
中國忠旺不要加注
1) 中國忠旺（1333.HK）生產的鋁型材產品分為工業鋁型材產品和建築鋁型材產品。過往業務不差，但增長力不強，未算有好強的獨性優質，以及並不是好賺錢。長遠發展力，中等。投資價值都有的，但又未值得投資好多，故不要加注。
部份股票買入價略貴
2) 你定平貴能力不高，見你部份股票買入價都係略貴，令到你帳面出現較大跌幅。未來時間，建議你先用月供或分注模式，去平衡買貴貨風險。同時間，你要努力增加投資知識，令自己有能力分析股票質素，和因應平貴去自行入貨，長線回報才會好。
不少股票屬潛力股類 風險偏高
3) 你現時不少股票都係潛力股類，令組合整體風險偏高。建議你未來時間加入更多平穏增長股，令組合更平衡。
更多理財個案、理財方法相關內容：
更多內容：理財個案｜83萬本金亂買股票！部分股價跌9成！越輸越多點做好｜龔成教室
更多內容：理財方法｜億萬富翁 vs 普通人｜研究3大特徵差異：工作不為錢、節儉等｜附有錢人的5種性格
版權聲明
香港財經時報有限公司獨立擁有或與相關內容提供者共同擁有香港財經時報網('本網站')內相關內容（包括但不限於文字、圖片、音頻、視頻資料及頁面設計、編排、軟體等）的版權和/或其他相關知識產權。本網站一切版權及知識產權版權均屬香港財經時報有限公司所有，任何機構或個人未經香港財經時報書面授權，不得轉載、鏈結、轉貼或以其 他方式複製發佈/發表；不得複製或在非香港財經時報所屬的伺服器上做鏡像或以其他任何方式進行使用；不得擅自使用香港財經時報等商標及標識，違者香港財經時報將依法追究責任。
已經獲香港財經時報書面授權的機構或個人，在引用獲授權之內容時必須注明'稿件來源：香港財經時報，違者香港財經時報將依法追究責任。
對不遵守本聲明或其他違法、惡意侵犯香港財經時報版權和/或其他相關知識產權的行爲，香港財經時報將依法追究其責任及追討導致香港財經時報造成的損失。
對於不當轉載或引用本網站內容而引起的民事紛爭、行政處理或其他損失，香港財經時報概不承擔責任。如本網轉載稿件涉及版權等問題，並提供真實和有效的書面證明，我們將在核實後採取有效措施制止侵權行為的發生，並做出妥善處理。香港財經時報歡迎來信查詢。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
