理財個案｜30歲夫婦要供樓供車有小朋友有工人！想用積蓄增值

【理財個案】30歲夫婦要供樓供車，有1名讀幼稚園小朋友及有工人姐姐，每月供樓24,000元，每月供車5,800元！現有資金約50萬現金，想用2/3積蓄投資增值。

理財個案（1）讀者來信：30歲夫婦要供樓供車

老師你好，一路都有睇你既個案分析。今次到我有問題想請教。希望你可以解答我嘅個案。我同太太三十歲頭。有1個小朋友讀幼稚園，有工人姐姐，每月供樓$24,000，每月供車$5,800。每月家庭收入大概$65,000，每月可儲$10,000至$15,000。

想用2/3的資金投資增值

現有資金大概$50萬現金。有買儲蓄保險，少量外幣（日元）。現在想用2/3的資金投資（3-5年），請問老師可以向邊類型方向投資？邊啲股票適合？辛苦老師抽時間回覆！thanks！

理財個案（1）龔成老師分析︰年輕人應以增長為先

當我哋進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

投資潛力股票財富增值較快

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

30歲頭可每月5成儲蓄月供股票

以你現時30歲頭去計，應集中做好增值部份，你可以投資「平穏增長股」和「潛力股」。你每月5成儲蓄，即是用$7,500做月供。其餘先儲起，用一邊月供一邊儲蓄的策略。

潛力股風險較高最多維持2-3成

如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。

更多內容：理財個案｜美股亞馬遜拆股點睇？海螺創業同海螺水泥有何分別？｜龔成教室

50萬可先用一半「分注」買貨

現時大市只是合理區中下部，你現有50萬資金可以先投入一半，用「分注」形式，慢慢買貨。餘下一半和每月所儲到的資金，就等大市出現一定程度的下跌，才大力度掃貨，然後長線投資。

「保險」主要用來防守

至於「保險」主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。但始終係財富增值角度，佢幫助好有限，一般我都就唔建議太多。

應集中投資在優質資產

做財富增值，應集中投資在優質資產（如優質股、物業等），效果才會理想。日元或者貨幣，其實只係政府發行借據」，貨幣中期會以週期的模式運作，但長期來說，都是貶值收場，因為貨幣只有「交易價值」，並無真正的財富價值。

投資3-5年算係一個合格年期

而我哋進行財富增值時，應該集中將資金投放在真正的資產，如物業、車位、優質股等。因此，如果你無實際用途，建議換回港元去投資。最後，投資係一個長線計劃，3-5年算係一個合格年期。

但投資增值，我唔建議只係在人生一小段去做，應該係長線進行，對你財富才會有最正面的益處。

理財個案（2）讀者來信：以為ibond唔會蝕錢

Hi 阿sir。請問我想沽出上年買嘅ibond，我一直以為ibond唔會蝕錢，所以想問清楚。

如果我揸到2024年6月到時，先可取回$30,000對嗎？早啲賣就跟市價，對嗎？

理財個案（2）龔成老師分析︰SET高啲個價賣唔一定有人接貨

任何投資都有機會損失，只是債券的風險相對較低。如果你現時要賣出債券，是根據市價成交。到期日（2024年6月）你可以取回$30,000（保本），早賣的話就要跟市價。當然，你可以SET高啲個價賣，但唔一定會有人接貨。

【按此免費訂閱《香港財經時報》HKBT 新聞快訊】

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責。而本網頁所有專欄作者的觀點，不代表本媒體立場。