理財個案｜因私事損失10萬＋買牛熊證唔記得賣走變廢紙再蝕5萬

【理財個案】讀者因私事損失10萬，因心慌加抑鬱，盲衝衝學人買牛熊證，點知唔記得賣走張證變廢紙，結果再蝕5萬！現只剩十幾萬身家，求低刺激增值方法。

理財個案（1）讀者來信：因私事損失10萬心慌＋亂買牛熊證

我早前因私事損失咗十萬蚊，個心好慌好唔舒服好抑鬱，然後盲衝衝學人買牛熊證，唔記得賣走張證，變咗廢紙又無咗5萬！Totalloss15萬！本身搵得唔多，月入16k，現計劃進修再邊返pt，而家身家淨返10幾萬，可以有咩方法無咁刺激而又穩健地增值？

龔成老師分析︰「財不入急門」

你犯的錯誤是太心急，記住「財不入急門」。當你犯咗一個錯誤的時候，應該先停下來，想一想，而不是心急想去彌補之前的錯。這樣，好容易在不理性的情況下做錯決定。現時事情已經發生，就唔好再去深究，要學識向前看。首先，牛熊證這類高風險的投資，我不建議你再做。

月供股票慢慢儲貨

你現時雖然收入不多，但你打算進修增值自己，相信將來人工會有增加，所以要唔需要太灰心。在理財上，月供是較爲適合你的方式。簡單來說，月供股票就是你每月將現金，買入某一隻或多隻股票，慢慢咁樣儲貨。坊間不少銀行都有提供月供股票服務，你先開證券戶口，然後登記做月供股票。

好處是不用花太多時間打理

形式就是每月投入相同的金額，買入同一隻或多隻股票，並持續進行。好處是你不用花太多時間打理，不需要有太多理財知識，但同時可以達到穩健地累積財富的效果。另外，你可以睇我寫的《80後千萬富翁》、《財務自由行》和《股票勝經》，都適合初學者，有助於加強你正確理財觀念。

更多內容：理財個案｜廿幾歲每日返工放工唔知為乜？龔成教搵錢與追夢次序

理財個案（2）讀者來信：43歲沒工作收入用10萬投資

你好！話咁快今年我將會又43歲啦…哈…現在還是因為要照顧小朋友沒有工作收入每月有$800嘅支出。跟你上次的回覆同睇下你個page，我嗰hk$20萬已經放膽用左一半去買了以下的組合。唔知個配置合唔合適呢？餘下一半應該繼續月供定等機會平入？仲有嗰5萬蚊人民幣係咪應當緊急應用錢唔好郁佢住呢？

現持股票＋月供股票組合

1.置富（0778.HK）[email protected]應該再入多一首嗎？
2.GX恒生高息率（3110.HK）[email protected]係咪買得太少派息太少反被收手續費？
3.港鐵（0066.HK）[email protected]正月供$1000
4.盈富（2800.HK）[email protected]正月供$2000
5.平安（2318.HK）[email protected]正月供$1000

現持股票應否重新配置？

6.港交所（0388.HK）[email protected]組合比例現佔太多已停供應該要等高價賣出部分然後再月供？還是放响度再供組合裏其他？
7.ＧＸ中國電車基金（2845.HK）[email protected]應該月供還是等低位再入？還是佔我組合太多？
8.安碩恒生科技（3067.HK）[email protected]
9.中銀香港（2388.HK）正考慮月供還組合已太多？因為資金有限應專注現有組合？
10.綠債$39,765 無升反跌係咪應該等收息？

何時應停止月供股票？

11.當價位升太高時係咪應停止月供？等回調再供？但其實我又唔係好知點先係真正回調都係睇吓你個page學下
12.係咪買某一啲股票銀行會收從價印花稅？係咩嚟㗎？
13.其實一隻股票點樣幫我賺錢？eg.（2845.HK）眼見現在賺梗錢我應放了先賺還是再等機會儲貨儲完長期持有又點呢？佢無息收？賣咗又驚買唔返呢個價？唔賣佢又跌又好似無咗個機會賺錢？其實應該係點諗？
14.你成日話潛力股只可以佔組合2-3成係點計呢？係計個價定係有幾多股票呢？宜家我算吾算太多？

很多問題請賜教如果可以幫忙解答極之萬分感謝

龔成老師分析：

你的整體組合合適，你現時已經有一定的股票，可以等機會再入手。外匯（人民幣）其實都只是「政府借據」，並不是真正的財富，你可以當作現金般持有應急，係可以。

1）置富產業信託（0778.HK）有質素，這是不差的房託，收息可以，現價合理，可以再小注。
2）你可以分注買入，持股太少的確達不到收息的效果。你可以加大佢比重，去拉低個費用佔比。
3）可以月供。
4）可以月供。
5）可以月供。

港交所現時處於合理區底部

6）港交所（0388.HK）是一隻優質的股票，現時處於合理區底部，可以月供，但如果佔組合比例實在太多，就不要加注。此股有質素，你可以保留現貨。等你其他股票比重跟上，你才繼續月供。
7）ＧＸ中國電車基金（2845.HK）有潛力，同時都有不確定性，月供會相對較好。佔組合比例可以。
8）可以持有。
9）可以月供。100萬以下的組合可以持有大約5-10隻。現時你可以先集中供組合中的股票，如果等資金增多的時候再加入都未遲。
10）綠債可以收息。但佢無增長力，以你年紀，不建議持有太多。

理論上太貴應該停供或減少供款

11）理論上，太貴應該停供或減少供款。但對於未能掌握平貴的投資初學者，建議一直月供。因為本身月供可以平衡平貴度，如果你勉強去自行調整，有機會對你長線回報，造成重大影響。
12）股民現時買入港股，除了需要買入港股本身的買入價，還需要支付經佣金、交易徵費、交易費、交易系統使用費、股票印花稅及過戶費用，部份為銀行或證券行收取，部份則由政府、證監會或交易所收費。基本上，你做買賣個陣，銀行或證券商會一次過收晒，你唔洗額外報稅。

投資非炒炒賣賣去「賺差價」

13）你要用儲資產概念去諗，我哋唔係炒炒賣賣去「賺差價」，而且儲一些有成長力的好資產，幫自己財富增值。一隻優質的股票會有自行成長的能力，又或者企業用股東的錢營運成長，股價會上升，同時會派發股息回贈股東。「股價的升值」+「股息」就是股東的盈利部分。

收息股賺現金流潛力股賺增值

股票其實都分好多類型，一些是收息股，一些是潛力股，收息股賺現金流；潛力股賺增值。GX中國電車（2845.HK）就是賺增值的部分。這基金的目標是追蹤Solactive中國電動車指數NTR「相關指數」表現緊密相關的投資回報。

「先增值後現金流」的策略

持股中最重就係比亞迪A股（002594），以及與中國電動車產業有關的股票，中國因為能源問題，長遠一定要發展電動車，這是大方向。你可以持有等企業自己成長，到財富累積到一定程度，就換成收息股，創造現金流動，這就是我常説的「先增值，後現金流」的策略。

14）以組合的市值計算。你現時除左港交所（0388.HK）和GX中國電車（2845.HK）是潛力股外，其餘的都是平穩增值股和收息股。比例尚可。

【按此免費訂閱《香港財經時報》HKBT 新聞快訊】

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責。而本網頁所有專欄作者的觀點，不代表本媒體立場。