【理財個案】讀者持有8,400股小米，買入價為15.76元。現想投資其他潛力股，求龔成老師推薦。
理財個案（1）讀者來信：持有8400股小米 想投資其他潛力股
老師本人持有：小米 8,400股@15.76元
想搵下其他潛力股有無推薦？Thx
更多內容：理財個案｜股票班舊生分享慳錢方法：搭港鐵返工有食飯、用8毫子過一天｜龔成教室
理財個案（1）龔成老師分析︰小米有潛力 產品性價比高
小米（1810.HK）有潛力的，佢的產品性價比高，先賣手機再賣家電。長遠正面，現價合理區較底位置。我哋唔好成個組合，只集中係1,2隻股票身上。最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。
同一行業不能高於組合30%
同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。潛力股可考慮安碩恒生科技（3067.HK）、阿里（9988.HK）、騰訊（0700.HK）、港交所（0388.HK）、舜宇光學（2382.HK）、小米（1810.HK）、中生製藥（1177.HK）、ＧＸ中國電車基金（2845.HK）、三星FANG ETF（2814.HK）、安碩納指一百（2834.HK）。
安碩恒生科技、騰訊、阿里有投資值博率
如果有投資美股，可投資QQQ。但佢哋波動性和風險會較高，你要自己平衡。現時安碩恒生科技（3067.HK）、騰訊（0700.HK）、阿里（9988.HK）、中生製藥（1177.HK）、小米（1810.HK）、舜宇光學（382.HK）都有投資值博率，算是合理區中間以下區域，而安碩納指一百（2834.HK）、QQQ算在合理區中上，都可分注投資。
「潛力股」有一定波動性
但要提醒你，由於「潛力股」係需要一定經驗和有一定波動性，如果你經驗較淺，可以先小注，大約佔組合3成左右。若你係有一定經驗，你可以投資到約5成比重。
你要根據自己的年齡，風險承受能力去建立一個優質，長期，適合自己的「財富組合」。
更多內容：理財個案｜月供股票揀有槓杆的FL二南方恒指 比盈富基金更好？｜龔成教室
理財個案（2）讀者來信：月入5-7萬 大部分錢投資3隻股票
1）我有中生製藥、小米、信義光能，每隻都持有1x萬貨而且我想盡量在我最搵到錢既時候全力入貨，平穩增長唔啱我。我拎住幾十萬，乜都做唔到，倒不如買入優質股，慢慢等收成。而且我每月都暫時收入5-7萬，我都將大部份去儲呢幾隻股票。
睇好小米同信義
我希望可以好似你咁，睇好比亞迪咁，我睇好小米同信義，可以享受到收成時期既滿足，長線投資。因為我都係公屋仔，曾經月光族 搵萬幾蚊使哂；搵2萬幾又使哂。
投資股票令人生改變
到有一日突然間唔知點解，諗一諗要改變下。成世到咁唔掂，就走左去買書睇，然後咁啱又睇到你fb，就開始睇咗幾本書，就去行動買股票。到而家我3年由一蚊都無儲蓄，到而家有60萬股票，每個月都會儲股票，我覺得人生已經變咗咁。
2）阿sir，我用緊證券行，假如執笠，我嘅股票會點？
龔成老師分析︰財不入急門
1）首先，你要明白「財不入急門」，理財是一個分配的過程。投資潛力股不是不可，但你要明白當中的風險，不確定性高，較爲平衡的方法是持有約2-3成，等有知識和經驗之後先提高到5成。
中生小米信義都屬優質潛力股
中生（1177.HK），小米（1810.HK），信義光能 （0968.HK）都是優質的潛力股，但同時股價有波動。如果你的組合全部都是潛力股，風險會過高。建議至少加入盈富（2800.HK）或一些平穏增長股去平衡整體組合。
投資組合全是潛力股 風險過高
你要清楚明白一個重點，潛力股當中不確定性，唔係你肯長線持有，咁就一定等到佢升。因為係有機會發展失敗(機會比平穏增長股高)，到時你就會出現虧損。
投資是「先想風險 後想回報」
叫你加平穏增長股，就係想平衡件事。因為平穏增長股雖然增長力一般，但失敗機率較低，能令你組合不確定性減少。你其實由月光到3年內儲到60萬是一個好大的進步以及轉變，證明你其實有好大的執行力，不過，投資是「先想風險，後想回報」的事情。雖然你組合中的股票問題不大，但你要戒除這種要短時間賺大錢的心態，凡事都有一個過程，要保持理性。
香港有嚴密證券監管制度
2）香港有好嚴密的證券監管制度，法例都有保障。《證券及期貨條例》下的投資者賠償制度設有投資者賠償基金，會為因中介人違責而蒙受損失的投資者提供賠償，每人上限50萬賠償。
更多內容：理財個案｜讀者想投資平穩增值股及潛力股！求推薦現時值博率較高股票｜龔成教室
證券行破產 可獲投資證券損失
若合規銀行或證券行出現破產，你投資證券之損失，可以從<投資者賠償基金>中，獲得最高50萬保障。當中賠償細節，你可以參考翻<投資者賠償有限公司>網站，會有較詳盡解釋。
股票行只是中間人
其實在一般的情況，就算股票行倒閉，你的貨都無事，因為佢只是中間人，你的貨無影響，除非佢中間有造數，例如每次你買貨，都無同你買。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
