【理財個案】讀者持有1個3房物業，現值約1,250萬，銀行尚有96萬元按揭未供完，想搬一間大一點有海景的3房物業約1,800萬，點做可以唔賣樓又可以換樓？
理財個案（1）讀者來信：唔想賣樓又想換樓
龔成老師，本人持有1個3房物業，現值1，250萬左右，銀行尚有96萬元按揭未供完，想搬一間大一點有海景的3房物業，大約1,800萬左右，有什麼方法建議可以不用賣掉現在手上的物業，又可以換樓，謝老師解答。
理財個案（1）龔成老師分析：可考慮加按物業
要睇你本身的資金情況。你可以考慮加按現有的物業，因為你現時餘下按揭數不高，你有較大的空間進行加按，就算加按一半，都能套出$500萬。下一步，可考慮將這物業放租，就能利用租金去還返每月這物業要供樓的按揭。
再將物業放租還按揭
你再睇返自己本身的資金情況，以及收入等，睇下是否能購買到目標物業。當然，當你手上已有物業，再買另一個，就要考慮不同人名持有，以及按揭情況，你進行前要問清楚先。
更多內容：理財個案｜月入25K、有20萬儲蓄！每月最少使1萬、點買到400萬私樓｜龔成教室
理財個案（2）讀者來信：贏在起跑線更緊要？
老師~香港生存自己能力好緊要，贏在起跑線更加緊要，我唔係香港出世，千禧年後先來到香港。其實有個問題我直到依家都唔係好明，我問過好多土生土長香港朋友，大部分香港人都話佢哋父母嗰一代曾經風光過......
住緊公屋 仲有負債
但今時今日唔知點解仲住緊公屋，有啲仲有負債。即係我想表達，香港80-90年代，香港最光輝嘅時候， 嗰班香港人都把唔到機會發達。要佢哋係今時今日咁嘅環境發達，除非有成哥你咁投資能力，唔係真係 好難發到達。
理財個案（2）龔成老師分析︰上一代香港人好拼搏
上一代的香港人好拼搏，為養家，可以一日打幾份工，現時香港的繁榮，其實好依賴這班香港人的努力。你話「佢哋父母嗰一代，仲住緊公屋，有啲仲有負債」，我相信只是少部分。
傳統投資智慧是「買磚頭」
傳統的投資智慧是「買磚頭」投資，好多80-90年代的人儲蓄就是為買樓，如果當時能夠將資金投資到樓市，就能夠捕捉樓市的整個升浪。無論任何時代都有發達的機會，過往是買樓，現時是科技時代，其實都在發展，問題是你有無智慧和知識去發現這些機會。
要懂入市策略管理資產
而且，就算你找到風口位，都要懂入市策略，點去管理好個資產。有些人未必係把握唔倒，而係1，2次策略出錯，輸翻晒。如果你覺得以前的人不能發達，就代表現時的自己都做不到的話，思維就受限了。年輕人應該想辦法去解決問題，而不是覺得問題比辦法多。
更多內容：理財個案｜35歲未婚女月入7萬！持股跌一半、想靠自己過穩定生活｜龔成教室
理財個案（3）讀者來信：分散投資的思維？
睇過老師其中一本書，內容講述，買一層豪宅收租，倒不如將買豪宅啲錢，分拆買幾個單位收租，咁做回報率會更好，老師的書刷新咗我個思維，獲益良多。
本身資金只有10萬
我有個諗法，信義光能、信義能源、信義儲電，假設以上3隻股票都是合理價，我本身資金只有10萬，原先目標係全部資金入手信義光能，現在將10萬分別買入信義能源和信義儲電，放棄買入光能，咁樣做會唔會更好（純粹因為上面個案，令我有呢個諗法），老師對此有咩睇法？謝謝
理財個案（3）龔成老師分析︰風險相對較分散
這是分散的思維，雖然大家都是同類的物業，但分拆成幾個單位回報會較高，風險相對都會較爲分散。你將呢個概念套用到股票上其實都是大同小異。將原本的資金分散到不同的股票上，不過，因爲你選擇的股票都是信義系股票，有一定相關性。因此，風險都會較爲集中。
分散投資其他行業更有利
與其全部買入信義系列，不如分散到其他行業會更爲有利。以物業來講，與其買3個住宅單位，不如分散到車位，工廈，地鋪都是同一個道理，當然前提是你要先做研究。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
