理財個案｜讀者用13萬大手買入中移動後股價不斷跌！應等派息、止蝕定溝貨｜龔成教室

【理財個案】讀者近日用13萬大手買入中移動後，股價每日不斷跌！應該繼續等派息定要止蝕？還是要等股價去返47元、48元再溝貨？港股暫時只有中移動...

理財個案｜27歲人工3萬、打算用1萬月供股票！想4年賺100萬要點做｜龔成教室

理財個案（1）讀者來信：13萬買入中移動後股價不斷跌

老師， 我最近大手入咗中移動，平均價53.5，但股價不停咁每日跌啲，依家去到51蚊。 我依家total用左13萬去買。應該繼續等佢派息定要止蝕？定佢去返47元、48元要再溝貨？港股暫時就只係買咗呢隻另外，亦系4月供咗美股voo, qqqm, xlp同安聯穩健基金。請問系咪應該港股要買埋其他？主要想收息。

龔成老師分析（1）︰要分析企業的核心因素

你要明白一個概念，我哋持有一隻股票與否，關鍵位是企業質素、前景，不要被買入價影響。因為我地買股票就是買企業。如果企業質素轉差，就要賣出。如果企業某些核心優勢減少左，就有機會減持，因此，我哋要分析企業的核心因素，一些長期的賺錢能力，有無改變。

中移動有質素 可以守

中移動（0941.HK）有質素，可以守。但以你30歲年紀，應以增值為主。先去累積一筆財富，到退休時才轉成收息資產，創造被動現金流。中移動（0941.HK）只係收息股，增長力不高，唔建議持有太多。

VOO, QQQM, XLP月供無問題

VOO, QQQM, XLP 都可以，你用佢哋月供係無問題。至於安聯穩健基金，你可以睇翻番佢投資目標和表現，如果係增長類，持股有質素，而且長線表現跑嬴大市（扣除費用後），都可以考慮。

理財個案｜近200萬買煤氣、股價勁跌！拉勻之前送紅股都仲要蝕｜龔成教室

理財個案（2）讀者來信：靠股市賺錢好難

老師，我真心覺得退休了要日日睇住個市頗辛苦！一定要改！不過，近日股市波幅好大，而把握到低價購入優質股好重要，我暫時都係要安頓好我的退休金，忍受一段學習時間啦！爸爸雖然風險太高，膽好大，他呢幾個月係完全無玩的，所以，都算理智！他老人家有運氣的，中六合彩2，3獎5次之多！我就唔係咁好彩囉！

煤氣同招商銀行可以搏嗎？

我不斷和議他，係呀，夠了，唔好掂個市呀！好多謝你回覆，依然係好開心呀，老師！靠股市賺錢好難，係咪要搵工做？老師，煤氣同招商銀行可以搏嗎？我上星期54.15入（0941.HK）中移動，琴日收市前56入（0939.HK）建行，兩次都第二日即刻跌，老師，我應該下跌5％再加注嗎？我好努力建立收息平台啊！

理財個案（2）龔成老師分析︰煤氣和招商 波動性略高

長線投資股市，係可以有唔錯回報，重點係有無足夠知識。但中短期生活，在未累積起一筆本金前，就只能打工。煤氣（0003.HK）和招商銀行（3968.HK）算合理區中下，但唔建議退休人士持有太多，始終波動性會略高。

中移動和建行適合退休人收息

至於中移動（0941.HK）和建行（0939.HK）適合退休人士，最好每注相隔10%以上。唔先理佢股價波動，因為短期一定有，而且你係收息，佢個價跌唔會對你有影響。

理財個案｜持股蝕緊超過12萬、屢見新低！開始憂慮漸失投資方向｜龔成教室

理財個案（3）讀者來信：股票組合分配改良或調整

龔成老師，學生我想請你幫忙檢視我幫屋企做的股票組合分配，看看有咩地方可以改良或調整：

股票組合分配

股票組合分配

目標5年將資產升值一倍

花了一年構成這個組合，目標是5年時間將資產升值一倍，能承受高風險。

望老師指導，感謝！

理財個案｜讀者買股票7年蒸發大半副身家！近日終買樓上車有感｜龔成教室

理財個案（3）龔成老師分析︰

如果你目標係5年升一倍，即平均每年最少要有15%增長。以你家人現時組合分配，我覺都有可能，但就要等個市好轉。不過，你家人始終接近中年，應該以平穏增長股為主。而你現時組合絕大部份都係潛力股，風險係偏高，你要明白這一點。組合中，平安好醫生（1833.HK）、COIN、BYND會係不確定性較高類別，長線要控制比重，不可以大注（真的小注好了）。

【按此免費訂閱《香港財經時報》HKBT 新聞快訊】

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。