【理財個案】讀者指自己在股海翻波，總結買股票7年曾蒸發了大半副身家，後來靠月供賺回不少，但最後離場時都輸15萬元！近日終買樓上車，望可再換大單位。
理財個案（1）讀者來信：買股票7年蒸發大半副身家
老師，不得不感謝你！雖然我喺股海翻波，總結嚟講7年嚟淨蒸發左成15萬走。喺認識你之前，大藍酬5號、新股1337 總共都洗走左我大半副身家。之後有（1211.HK）補返唔少，月供到兩手，最後離場雖然都未去到倍升，亦令我又另一番感受。
近日終買樓上車有感
最近我終於置業了（但當然唔甘心喺股市損失號十幾萬），從審視自己財務狀況到決定買樓，我出乎意料之外竟然用左好少時間，就詳細計算我同太太嘅收入、支出係可以應付到供樓呢個難題。記帳、審視收支平衡，令我省卻好多時間，知道自己財務狀況，我就可以更準確地睇準時機出手。
另一種資產增值方向
呢樣真係不得不多謝你嘅教導。自疫情後，好多人都湧現買樓，手快有手慢無⋯我可能急進、心急、冒險，但後生總係要有啲衝勁。喺認識銀行嘅估價、按揭、加按等等，又係另一種資產增值方向⋯真係學唔完⋯⋯⋯⋯社會嘅財技。
現時夫婦收入算穩定
現時二人收入算穩定，有一個歲半小朋友。物業500萬買入，月供暫時15,000元（H+1.25%)。流動資金尚存50,000元。二人收入44,000元，每月初步計有3,000至4,000元儲，一家三口都已經有齊保險應付緊急醫療或幫補手停口停嘅開支。
望自住樓升值換大單位
我預計持棟樓三年再睇，會升值就換大嘅單位。而且3年後，我哋夫婦二人各有一份儲蓄保可拎返十萬。我都想緊辦法搵兼職，希望小朋友多啲錢去成長用。
理財個案｜29歲月入不高儲蓄有限！20萬組合投資兩年應否加減｜龔成教室
理財個案（1）龔成老師分析︰記賬是理財的第一步
首先，恭喜你置業成功！置業是好多香港人的夢想，你靠自己向夢想邁向了一大步。記賬是一種良好的習慣，目的不是要限制消費，而是要了解資金流向，知道自己的消費去咗邊度，從而改善自己的消費結構，這是理財的第一步，亦是重要的一步。
要「股樓平衡」策略累積資產
你現時的資產當中，如果物業佔了大部分，接下來就要集中在股票的分配上，要用「股樓平衡」的策略累積資產財富。本人不建議炒樓，如果是好的資產就應該一直持有。
比亞迪行業前景良好
佢研發不斷進行，汽車賣得好好，電池技術發展得很好，行業前景良好，企業長遠發展正面。未來有錢，佢個價又回翻合理水平，可以再考慮。以你32歲，可以選擇一些「平穩增值股」+「潛力股」作投資目標。
建議先集中平穩增值股
以現時大市合理區狀況，你可以考慮用部份儲蓄，進行月供股票。用一半儲蓄，另一半就先儲起架策略。由於你的每月儲蓄比較少，建議先集中平穩增值股。你現時打算搵兼職，等你有足夠的資金之後可以加大供款比率，又或者加入潛力股。
現金等大跌市時出手
餘下現金就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
理財個案｜持股蝕緊超過12萬、屢見新低！開始憂慮漸失投資方向｜龔成教室
理財個案（2）讀者來信：父母將退休 是否需微調投資組合
龔sir 你好!
(1) 想問新書大約幾時出？
(2) 小弟父母過2-3年就會退休，咁小弟就唔需要供養父母退休生活，只需加少少家用就得，想請教龔sir我既股票組合/月供金額需唔需要微調？
(3) 母親完全不懂股票，有意將少量資金托我幫助入手收息股，以維持退休生活，我心水係 3110/778/2/工行/6，龔sir如何建議？
要幫母親管理資金心理壓力大
(4) 其實小弟並不想幫母親管理資金，主要原因係心理壓力好大，就算自己帳面值輸幾萬都沒有壓力，但管理其他人資金就有唔同既感覺，龔sir如何建議？
(5) 小弟想母親睇龔sir既書作為學習，睇邊本先最好？
理財個案｜老婆嫌300呎一家三口唔夠住想換樓！40歲老公怕退休後供唔掂｜龔成教室
理財個案（2）龔成老師分析︰留意「平穏增長股 + 潛力股」
1）我預期下半年會出，但都要視乎出版社情況，詳情facebook會有公佈。
2）其實你組合，跟我之前講咁調整就得。如果家用唔係好多，唔影響月供，咁月供金額就唔需要調整。這2，3年，你可以盡力吸收理財知識，以你的年紀，是財富增值的黃金時期，你可以留意「平穏增長股」+ 「潛力股」。書本上，你可以睇我寫的《80後千萬富翁》、《財務自由行》和《股票勝經》，都適合初學者。
退休人士最好集中投資「收息股」
3) 如果是退休人士，最好集中投資「收息股」，避免高風險的資產。GX恒生高股息率（3110.HK），置富產業信託（0778.HK），中電（0002.HK）電能實業（0006.HK），工行（1398.HK）有質素，是適合的收息股。
5%、6%的股息率的收息股
你可以幫母親可以建立一個收息股的組合，目標是5%、6%的股息率的收息股，例如港燈（2638.HK）、深高速（0548.HK）、香港電訊（6823.HK）、恆生（0011.HK）、陽光（0435.HK）等。
超過8%的高息股 股價略有風險
另外，有些更有超過8%的高息股，但股價就略有風險，你可以小注考慮，例如佐丹奴國際（0709.HK）、中石化（0386.HK）、互太紡織（1382.HK）、富豪產業（1881.HK）等（記住，股價略波動，不能太過大注）。
現時大市只在合理區，資金唔好盡用。最好留有部份，等大跌市出現時，可以用來掃貨。記住要平衡，唔好太集中個別股票和行業就得。
世上無嘢係必賺 要明白風險
4）幫人管理資產的確會有壓力，所以你要同你媽媽講清楚風險。世上無嘢係必賺，佢要明白係有風險。而你已將風險度降至最低，所以你已經盡左責任。往後你要做的，就是定期睇收息股質素，有無轉差。由於你母親的目標是收息，中短期的上落其實不用理會，只要企業質素沒有變就可以持有。
收息股中短期上落 不用理會
5）你母親可以先睇我的《80後千萬富翁》、《財務自由行》和《股票勝經》，都適合初學者。之後，你有時間，可以再睇埋《選股勝經》和《年報勝經》，對你累積資產，會有幫助。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
