【理財個案】18歲女讀者自知學投資是必須必要的事，但「連本金也沒有，憑什麼說投資」？她指自己「如失去方向的小船，根本不知何去何從。」
理財個案｜47歲婦剛失業、供樓家庭開支大！想創低風險現金流｜龔成教室
理財個案｜讀者來信：18歲女沒本金憑甚麼投資？
老師，我是一個18歲的女生，18歲正值人生的黃金時間，也該是時候為自己打算打算前路，學投資是必須必要的事，我明白，但若連本金也沒有，憑甚麼說投資，我實在有太多想不通的地方，才唯有打擾你請教一下。
在我看來，你算是相當成功因你已達至財務自由的情況，18歲的我，就如失去方向的小船，根本不知何去何從。我想quit u retake dse，我已加讀緊 XXXX，當初楝係因為分唔夠讀專科，而呢科又i近medical field。
如失去方向的小船
但我最緊張係呢科究竟有無前途同將來可以做咩，就係因為覺得出路麻麻，人工又可能得萬幾，如果我retake dse 考翻好小小就可以讀nursing or social work。當然retake 係咪一定升分咁又當然唔係，但我無升分都應該入得翻city讀社工（成功率一半半），同埋我quit u有一個因素都係唔想自己後悔。
人生得一次
因為人生得一次，但同時因為我本身係一個Active嘅人，所以我有好多唔同活動係身，我仲未甩到所以我仲未focus到落dse。琴日，我中學老師就話我咁遲先開始一定趕唔切話我唔會升到分。其實我retake 都係因為自己嘅執著同怕將來搵唔到工，然後我成晚個心都好唔舒服，屈住屈住咁但又喊唔出。
要投資首先都要有本金
我都唔知我應該點好，要投資首先都要有本金但根本無本金係手或者人哋（我同屆的同學有3萬個月）咁我點追得到佢哋嘅升幅。咁我咪整定一世都俾佢地搵得少同差過佢哋？
老師，求你指點一下我
理財個案｜未經歷過股災、股票不斷跌！如何戰勝恐懼趁機博翻身｜龔成教室
個案重點：
- 18歲
- 性格主動
- 未找到方向
- 擔心所學未能找到好工作
重點目標：
- 應否重考大學
- 應否選擇現在讀的學科
- 有好的本金
- 不想落後他人太多
龔成老師分析：財富滾大要有3大元素
我哋學習理財、投資，當然重要，但這是長期戰，你可以保持學習這些知識，要將財富滾大，你要有3大元素：本金、時間、回報。本金是重要的，但如何得到長期的本金更重要，所以，你這刻唔好太集中投資方面先，先著重如何令你做適合的工作，做到這點，長期的本金自然能解決。
先唔好理投資方面
這刻，你最重要是分析你當刻的前路問題。我哋希望得到本金，同時希望在自己理想的環境得到，所以，如果長期做不喜歡的工作，就並不是好事。我建議你，想一個問題，你想10年後，自己做甚麼工作（你先唔好理投資方面），先想想自己如何覺得開心，你心底最想做咩？
理財個案｜想買比亞迪乜價位先合理？美股Tesla、蘋果邊隻好？龔成教室
唔會用「捱」去形容我的工作
我講我自己，我現時最大的滿足感，已經不是單單為錢，而是身為一做作者、導師，能夠幫到人，我每日都好開心，我唔會用「捱」去形容我的工作，我唔會話「好辛苦，快D到星期六」，而是「我一至五都好開心」。
將來仍有好多好多變數
你要想想，5年後、10年後，你從事那類工作，如果找到這方向，就要盡力去行。你想好這一步先，至於先方面，其實可以慢慢改變，因為有唔少人，讀的科同做那一行，未必一樣，你唔好因為咁樣限制左你自己。你將來仍有好多好多變數。
你細心問自己，自己的理想？想過的生活？想做的職業？想為社會帶來甚麼貢獻？你只要清楚上面方向，你就知道自己下一步應點做？停一停，花小小時間想清楚。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
