理財個案】讀者月入約25K至30K,曾短炒蝕錢現已糾正壞習慣,下月起將與男友夾錢供樓,另想開始月供股票及再用私己錢短線投資比亞迪,求教龔成意見。

理財個案|嫌港股無乜起色、用2萬買狗狗幣!有15萬投資買乜好|龔成教室

理財個案|讀者來信:曾短炒蝕錢已覺悟

龔老師你好,經男朋友介紹下,睇左你Facebook的資訊同問答題環節,糾正左我唔少投資壞習慣。之前會短炒股票,諗住賺少少就會即刻走,但係overall真係有蝕錢,所以依家諗住做返個月供股票計劃。現在有幾個問題想請教下,講返少少背景先:

將與男友夾錢供樓 個人戶口有40萬

我同我男朋友一齊夾錢買樓,打算出租一年,第二年收返來自住。下個月開始就要每人月供各10K樓宇貸款,但我工作同月收入唔穩定,一般月入25K至30K。我哋有個聯名戶口,存款約100K、而我個人戶口就大約有300K至400K。現手持匯豐1,600股,打算長渣收息。

每月用幾多錢月供股票較好?

  1. 我想做返個月供股票計劃,想唔影響生活質素既情況下,應該每月幾多錢出來供會比較好?
  2. 爬文見到龔老師有講到,盈富基金、比亞迪、港鐵、金沙等等,假設我月供6000元,我平均分配:2000 / 盈富基金,2000 / 比亞迪,1000 / 中電控股或匯豐,1000 / 中國平安或,呢個組合比例可行嗎?或者有冇其他建議?
  3. 係而加仲有流動資金情況下,要唔要短線投資比亞迪?而家呢個價位適唔適合入市?

麻煩龔老師你既解答~

理財個案重點:

  • 短炒蝕錢
  • 剛買樓
  • 收入不穩定
  • 現金約500k
  • 持有1600股匯豐收息

理財重點目標:

  • 月供股票供款額
  • 月供股票比例是否合理
  • 比亞迪適合短線入市?

龔成老師分析:月供多少視乎生活開支

1)其實月供無話供多少錢才是好,你可以視乎番你現時生活開支,將餘下的大部份進行月供。在月供同時,也把部份錢儲下,等待大跌市時出現的入市機會。但你要留意番,你第二年開始會無租金收入去抵銷樓字供款,不要忘記計算這筆數。

「先增值,後現金流」方法

2)當我哋進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目。所以月供應配置什麼性質股票,要視乎你年紀。例如你是25至35歲較年青,我會建議你投資在平穩增長股+潛力股。

投資建議:平穩增長股+潛力股

所以,匯豐(0005.HK)這類收息股,就未必適合這年齡的人士。

你所講的月供股票是優質的,都可以供。但要留意番盈富和平安是平穩增值類、中電控股和匯豐是收息類(適合較年長人仕)、比亞迪是潛力股類。你要視乎番自已年齡,去選擇合適的投資組合。

投資任何股票都唔建議短炒

3)投資任何股票,我都唔建議短炒。短炒根本是無法賺錢,我之前做銀行、證券行多年,見證大量客短炒全部都蝕錢,只有長線才能有錢賺。因為投資股票其實就是投資企業,而企業成長需要時間。就算是優質股,中短期都會有股價上落,要長期先可以確保股價向上。

比亞迪可長線投資

至於比亞迪(1211.HK),你有貨可長線投資,但如果想加注,現價唔太建議。同埋唔建議短炒。或者你可考慮月供:GX中國電車(2845.HK),這基金的目標是追蹤Solactive中國電動車指數NTR「相關指數」表現緊密相關的投資回報。

投資宜慢慢分注

持股中最重就係比亞迪A股(002594),中國因為能源問題,長遠一定要發展電動車,這是大方向,故此股有一定投資價值。由於近期不少車股被炒起,此股現價略貴。無貨可以現時入少少,到有明顯回調才再慢慢加注。潛力度是有的,但會比較波動,如投資宜慢慢分注,可長線。

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。