理財個案｜80後買股票一波動想止蝕、想攞儲蓄計劃紅利再投資

【理財個案】80後讀者開頭想賺快錢、跟朋友短炒結果蝕錢！自覺冇持貨能力、面對波動時就想快止蝕！現想攞儲蓄計劃紅利再買股票，想知咁做法有冇問題？

理財個案｜讀者來信：80後買股票一波動就想止蝕

老師，我之前跟朋友睇咗你個post好一段時間，開頭想快啲賺到錢就玩短炒結果又係蝕錢收場………但係我終極嘅目標係想買樓點知個樓價不停係咁上升，結果一年拖一年都買唔到，後來多咗睇咗解答咗好多同學仔嘅問題，我都好想你畀啲意見我。

買過阿里巴巴波幅太大最終止蝕離場

因為本身我想買一層樓係用嚟收租投資用嘅……不過以而家嘅租金回報根本追唔上，之前都有買過阿里巴巴但係見到佢個波幅太大最終都係止蝕離場，再之前跟啲朋友玩短炒都蝕咗啲錢，我發覺自己真係一啲都唔識投資，冇乜持貨能力，面對波動嘅時候就想快止蝕，因為本身喺銀行都有買到一啲年金儲蓄計劃但係個回報就比較低，如果80後嚟講我覺得我嘅諗法係比較保守。

現時持有股票：

建設銀行 0939.HK (6.18 x 8手)
小米 1810.HK (25x6手)
百度 9888.HK (252x1手)
中國移動 0941.HK (48.4x2手)

想攞儲蓄計劃紅利再投資

原本想攞啲儲蓄計劃嘅紅利，用嚟買股票，我唔知呢個決定啱唔啱。另外，其實我想問以我唔係太承受到風險，應該買潛力股定係平穩增長仍會比較適合。多謝老師回覆。

祝：生活愉快！身體健康！

理財個案｜持貨多年的籃籌股全坐艇！大部份股價跌一半應點做？｜龔成教室

龔成老師分析︰「保險」主要係用來防守

其實「保險」主要係用來防守，買足夠保障就可以。儲蓄成份的保險，唔係唔可以買。如果你個人風險承受能力好低，或者完全無投資能力，這類保險都有持有價值。但始終係財富增值角度，佢幫助好有限，一般我都就唔建議太多。

應集中投資在優質資產

做財富增值，應集中投資在優質資產(如優質股、物業等)，效果才會理想。所以，你想提取紅利去投資，從長線回報角度，係可行。但當然投資回報不保證，故成件事個風險會高左，你而明白這一點。

理財個案｜39歲持40萬股票！短炒小米銀娛已沽！求收息股推介｜龔成教室

香港整體租金回報率不高

現時香港整體租金回報率不高，從投資角度分析，值博率不及股市。若你暫時無找自住樓的迫切性，我建議你先用優質股做增值，咁會較好。但投資前，你要明白我地係投資緊一間企業，唔係一個股票號碼。

投資要了解企業優勢

你要了解翻企業當中優勢，點解值得投資。唔好因為中短期波動，就去估貨。只要長線質素無變，我地應一直持有。以你80後年紀，可以選擇一些「平穩增值股」+「潛力股」作投資目標。你現有持股有質素，但建行（0939.HK）和中移動（0941.HK）係收息股，增長力不高，不宜持有太多。

用部份儲蓄月供股票

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起策略。由於你投資知識不高，因此可較集中在平穩增長類股，至於潛力股，只宜小小注。此期間，你最好是努力提高投資知識，才慢慢增加翻潛力股比例。

餘下現金就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責。而本網頁所有專欄作者的觀點，不代表本媒體立場。