讀者來信:Anthony Sir你好!之前疫情的時候見你在專欄及Live叫人要把握機會買樓,我和家人都唔信,覺得經濟唔好,冇咁快升,估唔到不到一年已經創新高了,不得不服。想請教如果我之前冇買,而家仲可以追入嗎?還是應該等下次跌市呢?

壓力測試2021懶人包|買樓首期計算、按揭成數、計錯數隨時上車觸礁

回覆讀者來信:市區半新樓仍有不俗水位

這是最近一個月最多人問的問題!哈哈!現在還未遲!很多樓仍然有不俗的水位!而家買好?定等下次?冇得等啦!上兩次的跌浪,包括2015年底及2018年底,跌市只是維持了半年左右,累積的購買力不算多,都已經帶領樓價指數衝上188.64及190.48的新高。今次的購買力累積了兩年!

量化寬鬆政策 資金泛濫

由2019年社運到2020年的疫情;再加上世界各國為了救市,分別推出量化寬鬆政策,資金泛濫,睇最近Hibor的走勢就知道;再加上林鄭Plan出台,令大量中原指數中的成份屋苑,都跌入高成數按保門檻;再加上未來幾年供應斷層;除非有突發性事故,否則都可以幾肯定,今次破頂後,仍會有一段頗大的升幅!

首次置業懶人包 九成按揭須知 壓力測試、供樓開支... 留意五大要點

香港樓市破頂後 仍有一段頗大升幅

等?就算俾你捉到,相信都會比今天貴!看數據就知,2015年下跌,2016年中反彈,直到2018年中見頂,即使樓價回落了,仍遠遠不到2016的水平!相信今次亦不例外。

現在還可以買到有水位的樓嗎?

肯定可以!今次的反浪只是剛剛開始而已!如果你之前一直都有睇樓,你會發現反彈至今,主要升幅都是集中在林鄭Plan,即600~1000萬的單位,可能因為以前冇得買,而家打開大門,自然埋嚟揀埋嚟搶!至於沒有直接受惠政策的單位雖然都有升,但唔多。表面睇業主叫價都唔平,但看成交價,升幅未算明顯,即是說…議價空間甚大!

香港樓價走勢2021|官方樓價連升7個月!4個因素令樓市未升完!後市將現一個景象

市區單幢樓及小屋苑 有近兩成水位

例如一些熱門的上車屋苑,距離高位仍有近一成差距,又例如一些位置極靚,市區的單幢樓及小屋苑等,甚至有近兩成水位!到600~1000萬的單位破頂又破頂,還有新樓高開又高開,醒目的資金自然追落後,這些單位亦必然水漲船高,只要多落區睇樓,大膽還價,肯定有意外收獲! 

那些地區有水位呢?

港九新界各區都有這種情況,港島區貴為龍頭回升幅度比較大,選擇比較少,九龍區及新界區選擇較多!例如最近比較多新樓盤的旺角區,只要你唔好淨係跟新手代理去睇新樓,比較一下新樓旁邊的二手樓,就知道水位有多大!規模較大的新盤One Soho後期呎價賣到逾$26,000,規模較細的利晴灣23、千望後期呎價逾22,000及24,000,就連青衣位置甚偏的薈藍都逾$20,000。

香港樓市連升7個月|港九樓拖累CCL指數|按周跌0.46%有啟示?附周末預約睇樓數據

旺角區半新樓仍有不俗水位

相反旺角區內一些著名的半新樓,例如:

  • 新世界的Sky Park
  • 信和的奧柏御峯
  • 新地的形品星寓等

論位置、規模、質素、會所等,有過之而無不及,而且現樓即買即住,呎價反而不到20,000!只是因為很多代理都只會帶客睇新樓,沒有帶你睇二手而已。

作者簡介:作者為1% Anthony( 第一桶金)、一巴仙(1%)投資培訓學院創辦人,TVB有樓萬事足、BenSir睇樓團II等顧問,多年來協助無數年青人成功上車,無數小業主倍增資產,財務自由!除了住宅,亦活躍於大陸樓、工商廈活化重建等,團隊是市場上最活躍的新晉發展商之一。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。