理財個案｜父母抽到居屋想一次過付款、29歲讀者與姊想合資買藍澄灣上車

【理財個案】29歲讀者與姊月入共7萬元，想合資買藍澄灣上車自住；另外，父母抽到居屋，費用約200多萬元，考慮一次過付款免蝕利息，請教龔成意見。

理財個案｜讀者來信：29歲讀者與姊想合資買藍澄灣上車

你好呀，老師，我今年29，有以下兩件事情想各你請教：

1. 想與姐姐置業兩人月入共7萬流動資金約有100 萬, 本住青衣區, 想買樓齡不超過20 年的, 正考慮藍澄灣, 同埋想問2人自住, 建議入手呎價為多少？（實用面積為500呎會過大負擔嗎？想做9成按揭，另想問下老師你覺得此區樓宇有升值潛力嗎？由於是第一次置業，想先請教老師有何建議?

父母抽到居屋考慮一次過付款

2. 另外，因父母抽到居屋，費用為200多萬，父母正考慮做多少成按揭，如一次過付款，流動資金便所剩無幾，但做按揭又要俾利息，所以想請教老師建議按幾成才合適呢？

謝謝你的解答！

能否致富取決於心態思維｜遇大石攔路你會視之為絆腳石還是踏腳石？｜龔成教室

龔成老師分析︰藍澄灣質素算中等

1) 青衣區內大型屋苑唔算好多，成個區潛力度只算中等。但東大嶼計劃落實的話，有機會刺激到這區樓價上升。藍澄灣質素算中等，佢距離港鐵站較遠，係一個扣分地方，但整體算係可以。但你這個作為自住樓，我建議較從你自身需要作出發點，去作出考量。你要諗這間屋，係唔係適合你長遠需要，講緊係未來5-20年。

自住樓一定要堅守一個大原則

呎吋方面，只要唔好太細（少於300呎），符合到你生活要求，咁就可以。另外，我哋自住樓一定要堅守一個大原則，就係長線要「供得起」。如果可以的話，置業係無問題。

2) 現時貸款息口在低位，無論係你和你父母，我都建議盡量做高成數貸款，去空出更多資金，做財富增值。如果你父母本身好怕風險，就將按揭成數調低，但其實在財富運用上，高成數會較好的。但要留意，你自己買物業時，高成數按要比按保，你要平衡返。

留下更多資金以備不時之需

雖然高成數按揭表面上，係要俾多咗利息，但我哋要從機會成本做考慮。你利用低息貸款，空出來資金進行投資增值（投資優質股），去爭取更大回報，相信長線財富增值效果會更理想。

同時，你父母都可以因此留下更多資金，以備不時之需。

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責。而本網頁所有專欄作者的觀點，不代表本媒體立場。