理財個案】29歲月入4萬、3年前只有10萬元、零股票,3年來只靠月供港股+美股,戶口的10萬元本金變成逾60萬元資產,想再投資將資產平穩增值。

理財個案|舊經濟股想加注、新經濟股又想投資!股票組合比例點分配|龔成教室

理財個案|讀者來信:10萬本金變逾60萬元 

成哥,第一次膽粗粗傳訊息俾你,我只有26歲,今年我快29歲了。咁就3年,時間真不留人。當年26歲,戶口只有10萬現金,一份供梗既儲蓄保,0股票。今日,我快29歲了,戶口中有38萬現金,18萬左右港股,5萬8左右美股,總資產為60多萬港元。

3年來只月供港股+美股

儲蓄保險亦供完,當然並不是一個咩大數,或者一件咩值得驕傲嘅事,只係隨住時月,我除咗老咗之外,戶口都叫隨年漸長,都係一件值得安慰嘅事。多謝你當年啟發咗我,3年來我都係用月供股票既方式買入股票,不論港股或美股,由買入果一刻開始就無放過。

每次睇都會見到有賺 

結果,感恩嘅係我付出時間好少,甚至我一個月先打開個股票戶口睇一次,但每次睇都會見到有賺。反而身邊短線投資既朋友,會跟住個市場買入GME吖,晚晚睇住個市,但都仲蝕梗本金。就好似我一年前嘅訊息所言﹕「身邊聲音煩擾,但我步伐仍舊」。

想資產平穩增值 

講講下,好似打日記咁,多謝你繼續睇到呢度。我想問下下一步我應該點樣做,或者除左股票以外,我仲可以投資啲咩去令我嘅資產平穩增值?

  • 收入﹕4萬多元
  • 支出﹕15,000元
  • 港股(月供金額)﹕盈富($4,000)、煤氣($1,500)、港交所($1,500)、領展($1,500)
  • 美股(每月手動買一手,約$9,000多)﹕VOO、QQQ、ARKK、SQ、MCD

成哥,我相信好人有好報,多謝你詳細解答陌生人既問題。衷心祝你身體健康,生活幸福美滿。

理財個案|嫌阿里巴巴近況普通想換騰訊、無膽買Bitcoin考慮購入呢隻股求意見|龔成教室

龔成老師分析︰投資一定係做長線 

我教的理財知識,只係為你提供一個指引和方向。最終能變成點樣,其實很大程度,係睇你本身所付出的努力,我純粹係助你一把。我經常講,投資一定係做長線,但其實好多人會唔明白,唔相信。因為佢哋依然停留係賺差價的思維。

最有效的財富增值方法

你身體力行,去證明咗長線投資價值,才是最有效的財富增值方法。希望你保持學習,令自己一直進步之餘,都用你的故事,去感染依然短炒中的朋友,幫佢地重回正軌。你現時投資組合,係可以。但緊記現時只係合理區,每月資金唔好盡用,要儲起部份。連同現有資金,一齊等大跌市機會出現,才入市掃平貨。

用優質股增值住 

而我哋成個財富配置,係講求增長力就餘,都要有平衡性。除了優質股外,都要加入一些其他不同資產,如物業類。但由於你現時資金不多,可先用優質股增值住先。到有較多資金,可以考慮買較小型物業作跳板,最後買大屋。

我本《5年買樓4步曲》,會有較詳細解釋,你可以買嚟睇下。

按此訂閱《香港財經時報》HKBT 新聞快訊

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。