理財個案｜40歲讀者投資多年，但蝕多賺少，現持多隻蟹貨，今年有部分新經濟股都少少斬獲，想知應止蝕再全換買入新經濟股或低賤價傳统股？
理財個案｜讀者來信：40歲投資蝕多賺少
龔sir好，本人差不多40歲，投資經驗唔淺，但老實講，蝕多賺少。有唔少蟹貨已揸住多年，有 2628.HK , 1800.HK , 1618.HK , 0857.HK , 0991.HK , 0005.HK , 2199.HK , 0386.HK，今年有部分新經濟股都少少斬獲，請問以上股份是否應該全部換馬？
換入新經濟股定一d傳統但低殘既股票，等經濟好轉會升返？如 3988.HK , 0003.HK , 1038.HK , 1238.HK（此股票曾經長線持有多年，股息唔錯，公司營利亦按年有增長），想再次買入可以嗎？
長期持有係絕對正確
從MPF睇，亦證明阿sir你長期持有係絕對正確，過去10年，揀既基金已升數倍，已接近有7位數字，但如果買股票升幾成，一般人一定已賺咗先，而MPF正正係因為唔需要成日睇住，所以先可以賺到d，現希望阿sir指點一下，感激萬分。
祝龔sir身體健康，健康先係財富
理財個案｜39歲單身物流公司經理月入4萬、想靠投資賺錢再九龍區上車｜財智三人幫
理財個案｜高價買入中國鐵建、想趁股價跌溝貨！5個原因不應加注｜龔成教室
龔成老師分析：新舊經濟各類股都要有
你最大最大的問題，就是賣出有質素的，而留低增長力較低的。你的投資模式令你過往輸錢。你上述的股票，不是劣質，但增長力不強。其實，我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。
同一行業不能太多
同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。維珍妮（2199.HK）、中國中冶（1618.HK）、大唐發電（0991.HK）質素一般般，長遠發展力不足，要找機會賣出。至於其他，可持有。
平穩增長股可考慮：
你之後可以考慮盈富（2800.HK）、銀娛（0027.HK）、恒基（0012.HK）、港鐵（0066.HK）、平安（2318.HK）、粵海（0270.HK）、領展（0823.HK）、希慎（0014.HK）、太古地產（1972.HK）等，你可以了解下這些股票，然後從中選股。
寶龍地產較有增長力
如果想增長力高少少，可考慮：安碩恆生科技ETF（3067.HK）、阿里（9988.HK）。
至於上述你想買入的4隻，不是不可，但增長力都是不強，可以不用急。寶龍地產（1238.HK）算是較有增長力。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
