小孩子鍾意玩玩具,就連沖涼都要玩埋一份,細細個就玩噴水玩具,大個少少就玩下水槍、噴波波咁,近期最愛就係沖涼浴球。

泡泡炭酸粉浸浴球

沖涼浴球其實係一個炭酸性粉末造成的球形物,裡面包住玩具,放入水之後就會遇水溶化,慢慢水會變色,以及發放陣陣香氣,然後內裡的玩具就會冒出,每次都要等溶化之後才會知抽中哪款玩具。

深媽之前就喺百貨公司買反斗車王、火車頭Thomas等系列,最初深深兩歲幾時,一放沖涼波入水,水變咗紅色,佢顯得害怕不肯沖涼,所以之後都無再買。直到最近,他在百貨店見到,想買來玩,自此就重新愛上這個玩意。

沖涼玩具-不肯洗澡-小朋友-網購泡泡炭酸浸浴球-香港財經時報HKBT-香港財經時報-HKBT
圖片:作者提供
一個沖涼玩具搞定不肯洗澡的小孩!網購泡泡炭酸浸浴球勿貪平|深媽實道

對付不肯洗澡的小孩

或許對小朋友來說,每次可以期待一款玩具,哪種未知的期待十分有趣!再者,不知為何有些小朋友會怕沖涼,或者因為掛住玩,不肯聽從媽媽的說話,未有按時沖涼。

這時,沖涼波波就成為殺手梘,通常小朋友都會喜歡玩,因為一來看著它冒出泡泡很有趣,而且對於是甚麼玩具的期待感,都會使他們想更快去沖涼,我家的孩子以及妹妹的兒子都會這樣,萬試萬靈的!

網購會平少少

除了在香港的百貨買,我亦有在買開小物的代購買,一般都會比較便宜,另外,日本的亞馬遜及iHerb都有不同的沖涼浴球發售,有興趣的可以自行選購。

沖涼玩具-不肯洗澡-小朋友-網購泡泡炭酸浸浴球-香港財經時報HKBT-香港財經時報-HKBT
圖片:作者提供
一個沖涼玩具搞定不肯洗澡的小孩!網購泡泡炭酸浸浴球勿貪平|深媽實道

體重過高引致雙腳痛症發作 不能抱起兒子!一句窩心童言即時紓緩痛楚|深媽實道

每個小朋友都總有U記睡衣?棉質較舒服彈性高!揀小朋友睡衣小貼士|深媽實道

深媽中伏小貼士:

我曾經貪平,喺亞馬遜買咗一個福袋,入面有12粒男孩款沖涼波波,除開每粒$22左右,比起香港買平差不多$10,網上圖片有很多有名的卡通人物,點知收貨之後,超過一半都係不知名的恐龍、昆蟲等,更甚是有兩粒是「馬桶」玩具,後來查看評語才發現之前都有人中伏,更說是日本100元店的貨色,所以大家入手時,記得要睇清楚評語。

按此訂閱《香港財經時報》HKBT 新聞快訊