理財個案】公務員月入26K,有媽媽做擔保,想9成按買西環300呎舊樓,但銀行指最多借8成,且最好有160萬現金在手,想知應否沽盡手上股票湊夠首期買樓。

理財個案|40歲術數風水師賺錢力高但投資力低!股票輸近30萬求指教|龔成教室

理財個案|22歲月入17K、考慮靠6K月供3隻股票!目標每年收息12萬|龔成教室

理財個案|讀者來信:應否沽股票湊夠首期買舊樓 

成哥,想問你有關買樓的問題,我最近手頭上有100萬,想9成按,買西環樓300呎(實用)、40年樓齡,我係月入2萬6(公務員),搵媽媽做擔保佢有長俸(2萬),所以total 4萬6。 我今日去搵銀行問呢,佢話最多借8成,佢話最好有160萬現金在手。

我係唔係應該再搵下其他銀行問,我唔想一次比太多現金,我本身有60萬股票,都可以賣,但覺得唔值(

補充:想買500萬的樓)

龔成老師分析︰唔建議太進取買樓

除非你本身有實際自住需要,或者間物業係超值,否則就唔建議太進取去做。因為你要沽出現有股票之餘,你每月資金都會因供樓,而所餘無幾(以500萬樓,按8成計)。買完這個物業後,你已經無其他類別資產,也無法進行財富增值,咁係唔理想。

40年樓齡 增長潛力會打折扣 

雖然物業地區係有潛力,但已有40年樓齡,未來增長潛力會打折扣。而且,潛在維修費用都可能唔少。建議你先用資金去投資優質股,先累積到一定財富,才進行物業投資,咁會較穏當。你可以睇我本新書《5年買樓4步曲》,當中有詳細解釋和策略,相信可以幫倒你。

要堅持「供得起」原則 

我會建議你儲多少少錢先,或調整想買入物業的目標金額,或找一些能做到9成按的,但在買樓後仍有資金與股票剩,同時,要堅持「供得起」原則。

按此訂閱《香港財經時報》HKBT 新聞快訊