理財個案】45歲女讀者,工作穩定月入7萬,有150萬資金可作投資,但即使付月費入投資群組,買股票仍是輸多贏少!如想用150萬本金每年賺20萬是否太貪?

理財個案|27歲月入15K、有6萬現金!想全沽5隻股票換優質股|龔成教室

理財個案|讀者來信:45歲婦月入7萬可儲3萬  

龔成老師好:首先多謝你的無私,不介意分享自己的成功經驗!我今年已經45歲,工作也算穩定,月入七萬,有$150萬資金可作投資。每月儲蓄只係有三萬,因為家庭開支都大!不過我在投資方面很失敗!我就是你口中輸多贏少的散戶。

付費入投資群組仍輸多贏少 

之前跟過兩個在social media比較受歡迎的股票人,更交埋用月費入WhatsApp group,可能是我蠢,仍然係輸多贏少!近日我開始看你的書及Facebook,覺得很有道理,其實我想上你的股票班,不過我老公未肯俾我上住,所以我決定先睇哂你啲書同再努力啲儲錢!

老師我現在持有以下的股票,請問組合ok嗎?

現在持有以下的股票

想用150萬本金年賺20萬 

我承認我係抱住短炒的心態,所以以上好多都係股評人話ok就入,結果都係輸多贏少!曾經我好想放棄,但老師的書令我有返希望!再一次多謝老師肯花時間睇及指導我!老師,另外想問以我$150萬的資優本,每年賺到約$20萬是否太貪心呢?謝謝老師

龔成老師分析︰用價值投資法先有錢賺 

如果你入的WhatsApp group,佢哋用的投資方法,並不是巴菲特所講的價值投資法,你輸多贏少好正常。我過往做過10年銀行及證券行,見到散戶10個有9個輸,只有1個用價值投資法先有錢賺。首先要改變你一些概念,我哋一般追求係每年10-15%回報,當然唔係每年都會有而個增長,但長線拉平均係可以做到,所以你目標算係合理。

現時股票組合風險性偏高

以你現時組合中股票,普遍風險性偏高。天能動力(00819.HK)、港視(01137.HK)、美團(03690.HK)都係不確定性較高股票,質素有,只係風險較高,要睇下你自己的風險承受能力,不宜大注。滔搏(06110.HK)同樣都唔建議大注。

國企指數向上 你就會虧損

FI二南方國指(07588.HK)追踪恒生中國企業指數每日兩倍反向表現的投資業績。如果國企指數跌1%,你就會獲利2%(另扣管理費)。但若然國企指數向上,你就會虧損。我對這類產品有保留,內地股市在過去10多年保持反覆向上,所以長遠計持有這股對你「不利」,一定多於「有利」。建議你長遠就算不全數沽出,也最好沽出大部份,換碼至其他優質股較好。

建議以平穏增長股為主

將來投資策略上,你可以用「平穏增長股 + 潛力股」做組合,比重係以平穏增長股為主。每月儲到的錢,可以5成去做月供,其餘先儲起,用一邊月供一邊儲蓄的策略。

月供方面,你可以選擇投資在平穏增長股︰盈富(02800.HK)、金沙(01928.HK)、恆基(00012.HK)、平安(02318.HK)、中銀(02388.HK)、港鐵(00066.HK)、煤氣(00003.HK)、長建(01038.HK)、領展(00823.HK)、希慎(00014.HK)、太古地產(01972.HK)或潛力股︰中生(01177.HK)、福壽園(01448.HK)、安碩恒生科技(03067.HK)、港交所(00388.HK)、阿里(09988.HK)、騰訊(00700.HK)。

「分注」形式慢慢買貨

現時大市只是合理區,你現有150萬資金可以先投入一半,用「分注」形式,慢慢買貨。餘下一半和每月所儲倒的資金,就等大市出現一定程度的下跌,才大力度掃貨,然後長線投資。

按此訂閱《香港財經時報》HKBT 新聞快訊