【理財個案】23歲讀者被騙30多萬，戶口只淨3千元，加上現時欠多間財務貸款＋信用卡戶口已經接近full limit，每月15K人工唔夠還錢，應否債務重組或申請破產？
理財個案｜28歲兒子想斷供58歲沒收入母親危疾保！月慳2千元用作投資｜龔成教室
理財個案｜讀者來信：23歲被騙30萬 欠多間財務貸款
龔sir你好，唔好意思因為自己有個問題唔知可以問邊個所以希望可以問下你的意見，因為我近期有啲事比人呃曬啲錢，因此導致我銀行戶口接近無曬錢。信用卡戶口已經接近full limit，同時亦欠好多間財務公司的貸款（而呢啲貸款會由下個月開始就要供款）
延長貸款年期 vs 債務重組
因為我計過自己咁多間財務公司的每月還款額後係多過自己每個月的人工，呢個情況我應該先致電呢啲財務公司問問可以延長貸款年期嗎？（因有好多間我都選擇了分12個月）定還是需要做債務重組？
理財個案｜用ROE分析股票買入農夫山泉及阿里！目標3年儲50萬可行嗎｜龔成教室
月入15K、戶口只淨3,000元
本人今年23歲，如果最壞情況是否真係要申請破產？我至少已經無咗30幾萬，基本上來源都係信用卡同貸款，自己銀行戶口現時得番3,000幾蚊，每月人工得15,000左右。依家疫情問題萬一停工我真係唔知點算，希望龔sir你可以比啲意見我，謝謝。
龔成老師分析：停用信用卡及財務機構增負債
你用信用卡及財務機構去解決問題，只會將問題變大，你要停止進行這動作。不要再增加負債。如果你23歲就申請破產，基本上會影響你之後的一生，破左產你之後好多野都唔做得，影響好大，絕對唔好行這一步。你可以用財務機構搞債務重組，延長還款期，令每月要還的資金少啲。
盡100%努力去開發收入
另外，你要想方法開發收入，當一個人在絕路時，往往是佢的突破機會，做兼職、小生意、銷售等等，做一些你平時唔敢做的事。你現時仍在得翻身，但就要你盡100%努力去開發收入，一星期有7日，我相信你總有空閒時間，你現時要好好利用這些時間，雖然會比較辛苦，但你都要面對問題。
當你突破左後，你會發現現時的數目不是大數目。加油！
編按：專欄作者龔成是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
