理財個案｜用ROE分析股票買入農夫山泉及阿里！目標3年儲50萬可行嗎

【理財個案】讀者用ROE分析股票後，買入農夫山泉（09633.HK）及阿里巴巴（09988.HK），想知對此兩隻股票質素有沒有誤解，目標3年儲50萬可行嗎。

理財個案｜讀者來信：

龔老師，你好。本人目標3年儲50萬。自己都有學習ROE分析股票，然後買咗農夫山泉（09633.HK） (34.5買入)同亞里巴巴（09988.HK） (251買入)，這2隻過往都有12%以上（如果我無計錯的話），同業務都唔錯。想問下我對呢2隻股票嘅質素有無誤解？同埋我仲可以用哪一個指標來判斷哪一隻是優質股？

藥明康德、藥明巨諾是否值得投資

另外，有留意藥明康德（02359.HK）同藥明巨諾（02126.HK），值唔值得投資?

02359.HK 我睇落都唔錯（過往ROE表現ok）
但02126.HK 係咪伏黎（睇IPo d profit 係負數）

如果要達到我嘅目標，仲可以點做？

龔成老師分析：ROE分析不是唯一指標

你用ROE作為分析，是其中一個指標，但不是唯一的指標，同時ROE背後仍有好多分析技巧的。阿里（09988.HK）長遠仍是有發展，賺錢能力雖然有少少減，但長遠會同政府同議一些監管方法，以及找到合理的賺錢模式，你預阿里$250以下是合理區的頂位，這股可長線。不過，中短期會波動。

農夫山泉（09633.HK）有質素

如果有貨，可持有，但就唔需要太急加注，如果未有貨，現金足，可以這刻小注，之後跌1成以上再加注。你有貨可守，但未必要太急加注。農夫山泉（09633.HK）有質素的。是中國包裝飲用水及飲料的龍頭企業，旗下品牌包括農夫山泉、東方樹葉、尖叫等。佢係中國擁有10個區域取水許可證，並在其周邊建立生產基地。

業務上有吸引力

其產品覆蓋包裝飲用水、茶飲料、功能飲料及果汁飲料等類別。根據弗若斯特沙利文報告，2012年至2019年間，連續八年保持中國包裝飲用水市場佔有率第一的領導地位。業務上，的確有吸引力的，不過，我一向都新股半新股都無興趣，因為真實面要慢慢先見到。此股可投資，但只建議小注，同時你要明白當中的風險。

適合長線投資

由於有一定的品牌價值，因此企業質素與發展正面，財務數據不差，生意與盈利都有理想增長，不過上市不久，股價較波動，同時上市前數據可能執靚過，因此要注意風險度。這股適合長線的，不過要注意平貴，唔好投資得太過多。

醫藥股分析過程複雜

至於醫藥股，分析過程都幾複雜，你唔能夠只睇過往的財務數據，同時要睇該藥的市場、發展，以及佢研究的藥，當中的發展潛力如何。而這行業可說是有風險，有潛力的行業。

【按此訂閱《香港財經時報》HKBT 新聞快訊】

編按：專欄作者龔成是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責。而本網頁所有專欄作者的觀點，不代表本媒體立場。

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。