【理財個案】讀者有見龔成曾對4隻恒生科技ETF（恒生科技ETF 03032.HK、南方恒生科技 03033.HK、安碩恒生科技 03067.HK、華夏恒生科技 03088.HK）作比較，想知是否應留意管理費及跟蹤偏離度？另想知長城汽車（02333.HK）是否可長線持有。
理財個案｜讀者認為盈富22元屬便宜區！想知長建仍有否投資值博率｜龔成教室
理財個案｜讀者來信：想由3033轉去3088或3067
有見你之前po（03032.HK、03033.HK、03067.HK、03088.HK）的比較，是否應該睇管理費同跟蹤偏離度？我想由 03033.HK 轉去 03088.HK 或03067.HK，但交易量需唔需要考慮？早前在股價9.7元買了少少長城汽車（02333.HK），是否可以長揸？
想學基本分析年報的知識
龔sir，我想問下如果想學睇年報，買你嗰本年報勝經係咪都可以學到基本分析年報的知識？仲有無甚麼書推介？因為我之前買了本圖表分析，諗住學下但聽到你講話無咩用，唔實際所以想轉學睇年報之類。如果唔睇圖表咁應該點樣知道嗰個股可以係靚既價位或者合理價位入手？Thank you
理財個案｜40歲女士150萬元畢生積蓄化為烏有 踢爆金錢騙局慣常手法｜龔成教室
龔成老師分析：先考慮管理費同跟蹤偏離度
其實幾樣野都要考慮，一般來說，會先考慮管理費同跟蹤偏離度，所以（03067.HK）應該較好。不過，成交量其實都是一個因素，因為當成交活躍時，佢的買賣價，會好近當中的真實價值，成交少就有可能買賣差價闊左，因此，成交較多的（03033.HK），並不是無價值。
短線投資 03033 較適合
如果是短線投資，（03033.HK）會較適合，但如果你長線，成交因素影響相對較少，因此（03067.HK）會較好。長城汽車（02333.HK）有質素的，可長線持有。如果你想學睇年報，可以睇《年報勝經》，《股票勝經》都有用的，另外，你可以睇巴菲特相關的書，都有年報相關資料的。
睇圖根本無用
至於睇圖，根本無用，我20年前用了，研究了幾年，發現技術分析原來一開始就錯，同時明白巴菲特都唔用。至於買賣價位，我地會分析平貴度，記住，唔好因為無方法而強行用一些錯的方法。計算企業價值是最重要的方法，同時，可以配合大市冷熱度去分析。
編按：專欄作者龔成是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
