【理財個案】讀者早前買牛熊證,購入阿里巴巴(9988)牛,但輸掉13萬!另高追美股(BABA),則蝕約5萬,正在坐艇中,求龔成老師指引。
【理財個案】40歲女士150萬元畢生積蓄化為烏有 踢爆金錢騙局慣常手法
理財個案|讀者來信:買牛熊證輸13萬
老師,求下你幫幫我睇下我應該點樣,我兩個禮拜前買(09988.HK)牛,冇咗13萬左右。而且美股高入了(BABA)大約40萬港幣。依家見佢跌咗,咁樣真係唔知點講我亦都唔敢同人哋講我輸咗,牛熊13萬就一定輸咗,而美股就坐緊5萬。
以為阿里巴巴係好穩定
呢幾日心情好差完全唔敢同屋企人或者女朋友講,一提起錢就好唔開心,我究竟點樣先可以贏返啲錢?曾經我以為阿里巴巴係好穩定, 估唔到買正股都會跌到咁樣, 求係你畀個指示我呀?我26歲, 啲錢就係我嘅全部。BABA坐緊6萬港幣。
龔成老師分析:阿里無問題!投資策略好有問題
阿里(09988.HK)無問題,不過,你的投資策略好有問題!
- 第一,你玩衍生工具,這些工具發行商食水深到你唔信,我20年前就有玩,做過水魚後,永遠唔玩。
- 第二,你集中在單一股票,我地投資,不是博,是建立一個平衡組合,長期持有,每隻股票不能多過15%!
- 第三,阿里之前貴,現價仍只是合理區頂部,唔建議買太多。所以,這股無問題,只是之前貴,回翻好正常!
- 第四,所有股票中短期都會有上落,就算優質股,你都預佢中短期上落,這好正常,最重要是長線。
股價上返後要減持
你現時只有守住先,等佢股價上返啲,就要減持,調整到其他股,慢慢平衡返個組合。有部分阿里可長線。
另外,強烈建議你增加知識,之後就能賺得返。
編按:專欄作者龔成是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。
免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。
作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。