成日都聽見人話移民台灣,係咪真係咁正先?過往都有唔少朋友移民去台灣,十個有七個攞咗身份證即刻返嚟!小確幸的生活,係咪真係適合香港人?其實唔止台灣,前排去歐洲住咗個幾月,發現都係咁~~真人真事…

移民台灣享小確幸經濟

筆者: 這裡有便利店嗎?
朋友: 有啊,前面街角那間。
筆者: 咁今晚返嚟先買啦。
朋友: 趕唔切啦,閂10點。
筆者: 便利店,閂10點?
朋友: 係呀!
筆者: 冇24小時便利店嗎?
朋友: 冇架,淨係得油站有24小時。
筆者: 點解嘅?
朋友: 過咗8點,請唔到人架…

最近武漢肺炎肆虐歐洲多國,似乎比南韓更失控。

想起今年一月,筆者到歐洲遊歷,適逢武漢肺炎殺到香港,個個朋友都說…冇咩就唔好返嚟住啦!於是筆者就在歐洲到處去,一下子就逗留了一個多月,其中一個印象最深刻的,就是店舖商場食肆都很早關門,沒有便利店,對於我們夜鬼一族來說,確實不習慣。

其中一站在德國,朋友分享移民生活…

朋友住在郊區,獨立屋,每天開大半小時車出市區上班。「我哋呢度啲人,好早就返工架,6點幾就起身,7點幾返到公司,晨早就開工,晏晝都唔食架,務求盡快做晒啲嘢,3、4點就收工,然後就去超市買嘢,返屋企準備晚飯,呢度啲人好重視家庭生活。相比以前喺香港,晚晚開OT,其實我哋要嘅生活好簡單。」

香港樓市升得多 反而易傾價易買到筍盤的2個原因︱1% Anthony

筆者還未適應,對我來說,悶到發慌。

另一站法國,移民那邊的朋友更寫意,同樣早收工,上班期間還有長長的午飯時間,我們這些怱怱忙忙的香港人,簡直是外星異形。

  • 他們經常問:香港人…咁辛苦為乜?
  • 我就會反問:外國人…咁悠閒做乜?

剛剛到法國的時候,適逢大罷工。那邊的經濟確實麻麻,失業率近年雖然有下跌,但仍然高於8%,某些地區治安不太好,不少朋友都試過被打荷包、搶手袋,筆者沒有遇到,但確實見過幾次,街上有人走向中國人問攞錢。那邊的工資高,但消費也高,生活不容易。勤力啲做嘢咪得囉,其實法國的資源真的很多,旅遊、時尚…只要肯勤力啲,相信要重拾昔日光輝不難,只是人們並不追求物質上的享受,兩者比較之下,悠閒的生活更重要。

讓我想起台灣的朋友,也是這樣看我們的…

不過台灣比較好,最少有夜市和便利店,哈哈!很多台灣朋友,跟香港人不一樣,追求的也是小確幸的生活,即是生活上的小幸福,而不是物質上的追求。當然台灣有自己的限制,兩岸關係大家都明,大陸長期在經濟上、外交上施壓,再加上台灣自己又排外,驚死外國人搶本地人飯碗,去到台灣,呢樣唔做得,嗰樣唔做得,嚇窒外國甚至香港的投資者,經濟長年停滯不前。反正勤力都未必可以發達,不如追求小確幸算了。至於想發達的台灣朋友,很多都跑到大陸發展。

是生存,還是生活?

這是很多移居外地的朋友,經常提出的高深問題。很多人都覺得,做香港人好辛苦,歸咎於香港的樓價貴,令香港人只能生存,不能生活。樓價太貴,相信沒有人反對,其實除了樓價之外,樣樣都貴。除了樓價比較便宜,外國人悠閒得起,最重要是稅收制度、福利保障好,德國的朋友說,孩子唸國際學校學費每月才千多元,台灣的朋友說,睇醫生幾十元。

另外,最重要的是租金相對便宜,台灣很多朋友說,在那邊生活,根本就不需要買樓,因為租金很便宜,可以把錢留起來做自己喜歡做的事,其實香港絕對可以參考。樓價受很多方面影響,例如市場上的資金太多,購買力太強,不是你想跌到2003價就可以做到,就算做得到也未必是好事。解決居住問題,唔一定要個個買到樓,看看身邊有公屋的朋友就知到,推低租金,反而更容易。

政策反其道而行

現時很多政策都是反其道而行,阻止投資者買樓收租,例如第二套房辣稅,例如收租單位貸款成數低,例如加壓力測試令你買唔到第二層樓收租等等,應該放寬有關措施,再大幅增加供應,開發棕地、填海、收回農地、開發郊野公園邊陲地等,多管齊下,令租金下跌,樓價就自然升不起來,買唔到樓的人亦可以安居樂業。

按此訂閱《香港財經時報》HKBT 新聞快訊

編按:專欄作者為1% Anthony( 第一桶金)、一巴仙(1%)投資培訓學院創辦人,TVB有樓萬事足、BenSir睇樓團II等顧問,多年來協助無數年青人成功上車,無數小業主倍增資產,財務自由!除了住宅,亦活躍於大陸樓、工商廈活化重建等,團隊是市場上最活躍的新晉發展商之一。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。