AI發展 ｜讀者來信：Anthony Sir 你好，最近 AI 發展得好快，個個都講到科技可以帶來經濟增長，為人類帶來幸福，但係睇睇吓又好似唔係，身邊不少朋友都開始被取代，為甚麼不實話實說？讓我們有危機意識？

回覆讀者來信：「盲嘅都睇到」AI及科技已逐漸取代人類

你真的很清醒啊！一眼就睇穿這個時代最大的「精神鴉片」！正所謂「盲嘅都睇到」AI及科技已經逐漸取代人類，身邊很多人都未有危機意識，專家、政客與科企合演「AI 大戲」，讓我們仍然沉醉在AI造福人類，AI是未來的幻覺中。

AI發展 ｜專家 – 少數人的遊戲，多數人的危機

有經濟專家，也有科技專家，反正就是接受媒體訪問的專家…他們很喜歡說：「AI不會淘汰人類，只會淘汰不懂AI的人。」真的是這樣嗎？自己刷刷視頻吧！甚麼一人公司、一人團隊充的素材斥市場，一個人代替十個人，幼稚園都識數，不會淘汰是一個，淘汰了九個，還不夠？以前工業革命，第三產業革命，淘汰了舊的工作崗位，也會出現新的，現在呢？AI已經佔了這崗位！

當人人都識 AI 之後 就變成另一種內捲

聽落好勵志，好似只要你努力學AI，就可以避過淘汰。但現實呢？最恐怖的是，當人人都識AI之後，又會點？生產力爆升，但需求跟唔上，就變成另一種內捲！創意產業就係活生生例子。以前拍一齣電影，一套劇集，一個廣告，要一班人拍攝、剪接、特效，一個星期、一個月精心傑作。

現在呢？AI工具一開，一個人一日就可以完成1條、10條、100條！內容過剩，創意不再值錢，之前都寫過文章分析，生產力提升唔等於幸福，過量需求就是捲，大家都蝕本搵唔到食，提升需求才是王道。

AI發展 ｜政客 – 領導階層的囚徒困境

既然大家都知道繼續這樣，社會失業率同內容生態會面臨巨大衝擊，為甚麼不停一停？因為政治大佬們根本不敢停！有些地方領導者唔識，見到人家搞科技，知道不跟着做就會落後，所就跟着做。也有些大佬不敢停，美國總統特朗普也說了，無論如何都不能停下來，否則會輸給中國。

在國家安全與大國博弈嘅框架下，AI 已經被提升「核武器」級的戰略高度。政客的邏輯是，如果我哋因為顧忌打工仔失業、顧忌倫理道德而放慢 AI 研發，對手輸！贏輸最重要，比人類滅亡更重要。

AI發展 ｜科技 – 人類未來顧不了，最重要是自己的錢包

最初發展AI及科技，或許真的是為人類謀幸福，但現在已經明顥改變，幾個科技巨頭都已提出警告，為甚麼不加強監管，甚至剎車？Microsoft、Google、Meta、Amazon 每日都在向市場宣傳 AI 如何「賦能人類」、「改善生活」。原因好簡單：每年投入數以千億美元計的 Capital Expenditure（資本開支）去買 GPU、建數據中心。佢哋必須維持市場樂觀預期，支撐股價。

在財經角度睇，AI 帶來的本質係「勞力價值貶值，資本與資源價值升值」。傳統依靠大量人力外包、基礎內容生產、沒有獨家 IP 護城河的企業，未來利潤率會被嚴重擠壓。

出路在那裡？誰知道！

  • 第一，真正掌握AI，唔係表面用用，而係將佢變成你嘅優勢工具。
  • 第二，投資自己不可被取代的能力：人情味、判斷力、創意深度、實地經驗。
  • 第三，好好規劃財務同投資。AI時代資產價格會劇烈波動，物業、股票、技能都要重新評估。

最後，保持危機感。唔好聽專家講「只會淘汰唔識嘅人」，因為當人人都識，內捲就嚟。醒啦！搵出路，投資自己，才不致被淘汰。

更多內容：調查：78%港人指每次與 AI客服互動 都必須重複說明要求而感沮喪

作者簡介：Anthony Sir（ 第一桶金）投資培訓學院創辦人，TVB有樓萬事足、BenSir睇樓團II等顧問，多年來協助無數年青人成功上車，無數小業主倍增資產，財務自由！除了住宅，團隊亦有參與不同類型的項目投資如工廈活化、簡樸房、學生宿舍等等。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。