【理財個案】讀者：龔Sir，我好擔心錢，自己月薪約3萬。但因為係長期兼職，都會係月薪度可加可減，有時要帶小朋友們覆診，返唔到全職。先生月薪接近4萬，但因為佢供樓燈油火蠟，我俾買餸錢同工人錢屋企無一筆家庭開支儲蓄，成日因為先生月頭話無晒錢而嘈交。
理財個案｜夫供樓無錢剩、妻顧小孩只能兼職幫補
佢每個月都卡蓋卡咁還欠卡數，佢理財不善搞到我成日要俾好多其他家庭開支，佢唔肯開聯名戶口，佢俾我勁大經濟壓力，成日話自己連飯都無得食。對於未來，睇唔到希望，可以點改善理財？
龔成老師分析︰不是單是理財問題 更是家庭問題
坦白講，你現時主要面對的，不是單是理財問題，更是家庭問題。因為個問題重心，是你和你先生，似乎無法好認真坦誠地溝通。我覺得財務問題，雖然唔係一時三刻可以解決，但是可以慢慢變好。
財務只是一個比較浮面的因素
我相信你們面對問題，未必只係財務這部份，財務只是一個比較浮面的因素。我建議你看看有無方法，2位靜心咁坐底討論下「現時的問題」、同埋大家「不滿的地方」。因為咁樣，大家先可以一齊為家庭找出一個平衡點。
盡力先將高息的貸款優先解決
至於財務方面，你地可以每日記帳，睇清楚所有開支是什麼，再盡力將不必要的開支刪除。同時，盡力先將高息的貸款優先解決(如卡數)。就算解決唔晒，至少轉去較低利息架選項。
優先處理係家庭關係
最後，如果都係平衡唔到收支，就可能要做兼職，或者一些網上小生意去平衡。記住，優先處理係家庭關係，其次是開支平衡問題，最後先至係建立家庭的應急儲備和投資。
不要亂去做高風險投資
同埋，緊記緊記，唔好因為而家屋企唔夠錢，就亂去做D高風險投資。我以往見太多而類讀者，最終問題不但無舒緩，反而愈攪愈麻煩，緊記而點。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。