【理財個案】40歲未婚女，原本計劃與另一半組織家庭，並以為自己有下一代，奈何遇上渣男，結果結婚生仔夢碎！現惟有重新審視資產和財富分配，求指點！

理財個案（1）讀者來信：40歲未婚女來自澳門

龔sir，你好，我係來自澳門，你的fans。本人40歲，未婚，因為20幾歲嘅時候讀咗好多書，所以真正投入社會工作，係30頭開始，換句話來講財富增值都係33歲後才開始。

遇渣男 結婚生仔夢碎

原本諗住同另一半組織家庭，以為自己有下一代，點知發生巨變，渣男要做他的成龍快婿，我要重新審視資產和財富分配，希望得到你指點。

我暫時資產如下：

  1. 現金港幣30萬
  2. 人民幣80萬，做緊定期，中銀掉期通寶之類 或國內定期等低風險回報
  3. 股票 約30萬 平均分配至藍籌股收息（1398，3988，883，2800，2778），雖然平均蝕緊錢，但係唔多，都算早排冧市低位入
  4. 充裕未來保險 2份，我打算45歲買多一份，大概喺我退休嘅時候每月可以有幾千蚊至一萬收入
  5. 澳門物業 一間，普通唐樓，學校區，係家人留給我將來退休收租，沒有按揭。
  6. 大陸物業一間，收租回報不高，每月供幾千蚊，負擔不太。
  7. 名錶貴金屬 ，約30萬

月入約4萬 想退休時無憂無慮

本人月入約4萬，大公司，福利唔錯，公司，員工每月各5%公積金。

Objective：希望利用剩餘嘅日子可以有啲更高回報嘅方案，退休時無憂無慮。創業呢啲係有打算過，好睇緣份同朋友夾份，所以我都暫時Focus返自己嘅手上嘅資產。謝謝

更多內容：理財個案｜因私事損失10萬＋買牛熊證唔記得賣走變廢紙再蝕5萬！求低刺激＋穩健增值方法｜龔成教室

理財個案（1）龔成老師分析︰簡單的平穩增值可退休無憂

欣賞你無比突如其來的變化打倒，反而利用機會，集中為自己的未來打算，你的方向正確。其實你現時的財務狀況不算太差，有物業，有股票，簡簡單單的平穩增值相信可以幫你做到退休無憂。

投資「平穏增長股 + 潛力股」

你現時40歲，可以投資「平穏增長股」 + 「潛力股」。工行（1398.HK），中國銀行（3988.HK），冠君產業信託（2778.HK）是收息股，增長力不强。其中工行，中行都是銀行業，不建議持有太多，否則會有集中的風險。太多的收息股長遠都會拖低組合的回報。

中海油不適宜持有過多

中海油（0883.HK）屬於商品類別，自主定價能力不高，質素只係中等，不適宜持有過多。盈富（2800.HK）雖然不是高增長，但長遠仍有平穩增長能力，始終包括數十間質素不錯上市公司股票的組合，有助你平衡組合中的風險，可以長線。

每月5成儲蓄月供股票

如果你本身投資知識不高，可以利用月供的形式，為自己累積財富。用每月5成儲蓄月供，其餘先儲起，用一邊月供一邊儲蓄的策略。月供方面，可以考慮平穩增值股及潛力股。

潛力股波動性和風險會較高

例如潛力股部分，你就可選安碩恒生科技（3067.HK）、阿里（9988.HK）、騰訊（0700.HK）、港交所（0388.HK）、舜宇光學（2382.HK）、小米（1810.HK）、中生製藥（1177.HK）、ＧＸ中國電車基金（2845.HK）、三星FANG ETF（2814.HK）、安碩納指一百（2834.HK）。如果有投資美股，可投資QQQ。但佢哋波動性和風險會較高，你要自己平衡。

物業可持有 要做到「股樓平衡」

保險其實不用太多，只要買足夠的保障就可以。物業可以持有，但要做到「股樓平衡」，不要偏重與任何一種資產，避免風險過於集中。但內地物業，現時整體租金回報好一般，除非好有質素，否則建議你沽出換至其他資產。

人民幣定期唔太建議投資

至於人民幣定期之類，都唔太建議投資。若無特別用途，最好換回港幣買優質股。現時大市處於合理的水平，現金大概維持在3-5成比較好，你自己衡量是否持有過多現金。除了透過以上月供方法，去累積資產外。

要去努力增進投資知識

同時間，你要去努力增進投資知識，來提升你財富增值效果。你要多讀投資相關書本、年報，新聞和報讀相關課程。書本上，你可以睇我寫架《80後千萬富翁》、《財務自由行》和《股票勝經》，都適合初學者。

更多內容：理財個案｜30歲夫婦要供樓供車有小朋友有工人！想用積蓄增值｜龔成教室

理財個案（2）44歲買增長派息基金抵消供樓款項

龔sir你好，想請教，本人44歲，月入＄24,000，剛買入新居屋一年，供25年，月供12,000，已動用200萬買入宏利增長派息基金，收取每$12,000息率作抵消供樓。

持股方面：

股票代號 數量 買入價
2800.HK 5,000股 $22
0386.HK 60,000股 $3.5
3988.HK 60,000股 $2.9
7299.HK 10,000股 $9.0

持100萬現金作備用

另持100萬現金作備用，現請問現有股票組合，應該加入咩股票作調整可以令組合更加平均同合適thx。

另本人想月供股票＄5,000盈富基金是好選擇？謝謝百忙中抽空解答疑問thx

理財個案（2）龔成老師分析︰先增值 後現金流 

當我哋進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

潛力股初期投資 財富增值較快

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

派息基金可持有

你的組合中，派息基金可以持有。但唔建議佔財富組合咁高比重，因為佢只有7.2%（你要睇翻是否保證），唔算好高，長線會拖慢你財富增長速度。(當然你個人好保守，咁都可以。)

ＦＬ二南方黃金有槓杆成份

ＦＬ二南方黃金（7299.HK），當中有槓杆成份，要留意風險。升的時候你會賺多左，但跌時候你損失同樣會係雙倍，不建議投資。因為黃金主要係用來對沖黑天鵝事件，故不要持有太多，佔組合3%左右就可以，最好係實金。中石化（0386.HK），中行（3988.HK）佔組合比例偏多，長遠個別股票建議維持在15%比較合適。

盈富助平衡組合中風險

盈富（2800.HK）係包括60間質素不錯上市公司股票的組合，有助你平衡組合中的風險，故不受佔比所限。因此，長線你可以加大2800比重，去平衡，或者加入其他優質股都可以。

44歲應以「平穏增長股」爲主

以你現時44歲去計，應以「平穏增長股」爲主。你的組合偏保守，可以加入平穩增值股來增加組合的增長力。你可以動用100萬現金約30-50萬「分注」或「月供」買入優質股。

餘下的現金，我地就等機會，當大市出現較大回調，就加大力度掃貨，然後作長線投資。

【按此免費訂閱《香港財經時報》HKBT 新聞快訊】

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。