【理財個案】讀者聽朋友介，買入煤氣＋中國鐵塔，正輸數萬元，想請教龔成老黐，應否沽出再換其他有增值潛力的手袋。
理財個案｜47歲婦剛失業、供樓家庭開支大！想創低風險現金流｜龔成教室
理財個案｜讀者來信：聽朋友講買煤氣＋中國鐵塔！輸數萬元
龔Sir，朋友介紹買股，輸緊數萬，持有（0003.HK） HKD17，（0788.HK） HKD2。是否要沽出？換碼其他有增值潛力的東西，如有升值力的袋？
龔成老師分析︰煤氣＋中國鐵塔都有優素
由於現金可以無限發行，長線必然會迎來貶值問題。所以，我哋進行財富增值，其實就係將一直貶值的「現金」，轉換成「優質資產」的一個過程，佢可以係股票、物業、一盤生意等等。最重點，係要優質。你現時持有煤氣（0003.HK）和中國鐵塔（0788.HK）都係有質素，雖然你係買貴咗，但長線企業發展，會令股價慢慢回升，所以我建議你持有。
買入價偏貴
不過，你買入價真係偏貴，而這2隻股票，唔算係增長力好強的類別。要上翻去買入價，你預經濟全面向好先有機會。你可以考慮，將部份換碼至其他優質股，去分散風險和提升增長力。但是否用於買入一些有升值能力奢侈品，我就無太多意見。若你有信心佢係有市場，你可以去買。
建議資金集中在優質資產
不過，我建議你資金集中係優質資產，即一些能長線有助你財富增值的項目上，咁會最有利。另外，投資任何項目前，必先確保自己係全面了解。例如我地買入一隻股票，一定要知道佢質素、行業前景、財務狀況等，才去投資。如果你連間公司點賺錢、行內有乜優勢、點解未來有發展和增長潛力，都答唔倒自已，咁就要停一停，唔好投資住。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。