【環保餐具實測】環境局近日實測幾間連鎖餐廳所提供嘅紙餐具，結果發現所有餐廳嘅餐具在半個鐘後均沒有變軟，至於浸了一個鐘頭後仍能使用，引起大量網民熱議！
環境局實測餐廳紙餐具浸半個鐘後沒有變軟
環境局社交專頁「大嘥鬼 Big Waster」 最新發帖表示，留意到近日有報道及網上評論指「紙餐具如果喺熱湯內浸得耐會容易變軟，不能使用。」故實測了幾間連鎖餐廳所提供的紙餐具，結果發現所有餐廳嘅餐具在半個鐘後均沒有變軟，同開始時沒有大分別。
浸1個鐘仍能使用
至於測試亦指出，即使紙餐具「浸了一個鐘頭後，餐具都只係有少許變軟，仍能使用。」專頁更附上圖片表示「有圖為證！」不過，測試結果卻引來大量網民熱議，有網民反駁：「有冇擺埋入口試食吓咖？邊個食飯會齋浸」、「點解唔試埋可唔可以成碗𢳂哂？」
大量網民質疑測試結果：
- 「拎紙餐具食扒先講啦」
- 「食餐飯都要與時間競賽, 唔哽死都算好彩！」
- 「中式更我尋日咁啱又有試過喎 熱湯1分鐘就玩完喎」
- 「用手食喺最環保」
- 「唔係融唔融嘅問題 係用唔x到呀」
網民：應該拍片熱外賣 隻匙一路撥粥
有網民建議表示：「餐具是要用，不是拍照，你應該拍片熱外賣，隻匙一路撥粥，拿焗飯、雲吞、豬扒等有重量的東西唔變形先慢慢講，又不如我們拍片比你睇好易變形既餐具比您評理？」也有網民表示：「自備可重用餐具就可以解決一切問題」但隨即有人反駁：「我出去食就係想方便 自備餐具根本反智」
點解唔試紙飲管？
亦有部分網民關注紙飲管質量，「點解唔試紙飲管」。有網民更分享自己用後感，他指：「最慘係支紙飲管，果頭擺落杯野度，飲兩、三下已經溶左用唔到」；「今日飲凍檸茶（堂食），支紙飲管係飲唔到，唔知係咪質量問題定點。已經唔想係香港食飯，太麻煩，依家明白點解個個北上。」、
環境局：紙漿匙羹外 有其他物料選擇
環境局在帖文中表示，要用環保嘅餐具飲湯，除了紙漿做的匙羹外，仲有好多其他物料嘅選擇，包括有木、竹、甘蔗渣漿、木漿、草漿等。更建議餐廳在選購餐具時，宜根據佢哋唔同嘅菜式，選擇唔同適合嘅餐具，可向供應商查詢，餐具適合嘅使用溫度及耐熱情況等等。
長時間與熱湯接觸 用竹木餐具會較合適
環境局亦表示根據與供應商了解，如果需要長時間與熱湯或熱水等接觸的話，一般使用竹木餐具會較為合適。但在一般用餐嘅時間使用下，紙漿餐具也沒有問題。
