【理財個案】讀者：我上年買左1手樓$387.8萬，今年6月前要俾到首期供應商，依家已經俾左5%首期，問銀行借7成按揭，現金不夠，應否蝕放股票？另有讀者問：嚟緊減息樓市仲會唔會升？
理財個案（1）6月要俾首期、現金不夠應否蝕放股票
龔sir，你好，我上年買左1手樓$3,878,000，今年6月前要俾到首期供應商，依家已經俾左5%首期，問銀行借7成按揭，仲差$1,009,500未俾，現金揸住$317,907，股票揸住$708,370(蝕緊$340,720) 。
想問依家應該蝕住放哂所有保本俾到首期，定還是俾最後期間蝕到40萬就放，儲多4萬蚊去俾首期？
龔成老師分析︰建議慢慢分注咁沽貨
其實你手上架持股，長線投資價值係有。 但問題係大環境弱，股價未必咁快會重回較合理水平，中短期預都會好波動。所以，6月前個市況，係好難準備咁估到。 我建議你用個理性啲策略去做，慢慢分注沽貨，一方面為套現找首期準備。另一方面，去到平衡價格波動因素。 大方向是「準備首期」。
理財個案（2）減息樓市仲會唔會升？
龔成老師分析：在其他因素不變的情況下，減息會令樓市升。但現實，好複雜的。
- 第一，要睇美國減多少，香港又跟多少，相信初期香港不會跟太多
- 第二，要同時睇其他因素，例如香港的供需、經濟等。考慮各種因素，除非大幅減息，否則，香港樓市相信會平穩，不會升。
更多理財方法及股票投資入門內容
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
