理財個案｜想用102萬分注＋月供股票滾到150萬！出年結婚買樓

【理財個案】老師，如果我分注買，留一半現金45萬，用45萬分注買（6865.HK）同（0710.HK），再月供$5,000 共一萬，嚟緊25年中結婚，我估計：

共150萬，這個方法你覺得可以嗎？大約一年時間102萬滾到150萬。

龔成老師分析︰福萊特玻璃股價上落有點大

福萊特玻璃（6865.HK）股價上落有點大，但業務上有質素。佢主要在中國生產及銷售光伏玻璃，此外，亦生產及銷售浮法玻璃、家居玻璃及工程玻璃，並向中國大陸、日本、新加坡、韓國、台灣、德國及美國等地客戶，銷售產品。

睇翻佢的資料，佢的光伏玻璃產品主要用於生產晶體硅光伏電池，以及用作薄膜光伏電池的蓋板，而佢的生產設施位於浙江省嘉興市。

過去無論生意與盈利都增長理想，財務數據正面，這股值得長線投資。但近年整個行業盈利和發展，都有少少受經濟大環境影響，不確定性大左。但長線我依然睇好行業未來發展，現價合理，可以分注。

而京東方精電（0710.HK）質素只是中等，投資價值未算高，而且股價都好波動。其實而2隻都係不確定性較高架股票，本身不宜大注。而且，你距離結婚唔到2年，投資而言係一個短架時間，個回報不確定性較大。

所以，我唔建議你用這個策略。因為如果佢地表現不似預期，你人生計劃就會被打亂。我地永遠都係生活行先，有餘力才做投資增值。

結婚資金，由於可投資時間短，建議只能低風險投資，例如收息股、定期之類。而結婚和首期以外資金，你可以因應自己，選擇適合的股票和策略，去做長線增值。