理財個案｜45歲有現金120萬！股票組合蝕15萬、應否淘汰劣質貨

【理財個案】讀者：本人已45歲，除物業，流動現金有120萬左右，股票現市值約50萬比買價跌了15萬左右...是否該先淘汰那些劣質，又不知他們是否跌冇可跌？

理財個案｜45歲股票組合蝕錢中想重整

多謝老師回覆，本人已45歲，除物業，流動現金有120萬左右，股票現市值約50萬比買價跌了15萬左右，不知以下股票在我年龄是否適合長期持有？是否該先淘汰那些劣質，但我個人又不知他們是否跌冇可跌，可以先擺著看？

盈富，港鐵，領展，港燈，信義玻璃，信義能源，申州国際，舜禹光學，比亞迪，周大福，價值黄金，雅居樂，互太紡織，越秀，石藥，聯想，建行，阿里巴巴，李寧，中國移動

從長線投資價值，同埋你人生階段計，這些股票都係可以，但有以下幾點要注意︰

1）黃金是貴金屬，有「終極貨幣」之稱，是人類自古以來的貨幣，因此，有持有價值，而現時我地的現金，一定長期貶值，所以黃金長期會向上。不過，黃金沒有現金流，持有無法創造出經濟價值，其主要作用是對沖黑天鵝事件。

所以，你可以投資黃金，但不用佔財富比例太多，我一般建議係佔財富組合3%左右就足夠。你用價值黄金（3081.HK）投資係可以，但更理想做法係用實金。

2）你持有的股票數目就偏多，會難於管理，100萬以下的組合，建議"長線集中"係5-10隻較爲合適。否則，你好難定期審視佢地架質素變化。

3）你現時組合明顯偏重晒係港股，建議你未來加入一些美股，令整個組合變得更平衡。但要留意，個別地區不建議超過組合的8成，如果不懂選股的話，可以考慮加入（VOO），作用類似盈富（2800.HK）。

Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。

由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。

4）雅居樂（3383.HK）面對中國樓市有風險，加上佢本身負債較高，相信會對佢有影響。但如果投資，要有心理準備是上落大，一定要小心控制注碼。互太紡織（1382.HK）這股質素中等，長線不宜持有太多。

5）現時大市在合理區底，我建議你可以慢慢加多少少注碼，雖然現時港股較波動，但畢竟價唔高，有一定長線值博率。反而美股，現時算係合理區中上至頂（要視乎股票）。納指會再高少少，大致合理區較上部。雖然我建議你加美股，但因為唔平，只宜小注咁慢慢加。