網民熱話|香港地寸土尺金,可以成功「上樓」或者有個安樂窩也許是不少人夢寐以求的願望。日前有網紅在內地社交媒體小紅書發布一則影片,一名內地男每月花人民幣8,000元租深圳兩房一廳單位,並跨境到中環上班。網民:「比我住香港還要快」。
每日兩邊走
內地男表示自己每日都會中港兩邊走,從深圳跨境到中環的公司上班。每月花人民幣8,000元在鄰近深圳灣口岸的一個單位租住。影片可見內地男租住的單位有兩間房間,更將其中一間房間當作衣帽間。除此之後,單位亦設有一個露台,露台可直接望到深圳灣口岸。
車程僅1小時
當大家都以為中港兩地走,車程應該需要頗長的時間。內地男則指,由於口岸附近有直通巴士到中環,所以每天上班的車程只需約1小時。更表示一上車就可在巴士上休息,一下子便可到達公司,十分方便。
網民:仲快過我住喺香港
有香港網民在影片下留言感歎,自己居住在香港,但回到公司的時長竟比該內地男還要慢。
比我住香港上班還要快
- 比香港租屋便宜多了
- 羨慕了 而且上班也就一小時多
香討留言
事件引起部分香港網民留意,有網民就事件在「香港討論區」發帖探討。有人認為內地男在深圳居住是個聰明的選擇:
呢d至係優質生活,吾洗一世打工養鄉港地產霸權!
- 住大屋嘅享受梗係好開心
- 8000在香港只能租劏房,兩房最少1.2萬~1.5萬
- 未結婚,無細路學校問題,一小時生活圈考慮,梗係返深圳住啦
時間都係錢
亦有網民計算了內地男每日淨租金及車費金額,均表示時間也是金錢:
- 對我嚟講,每天返工內回多過1小時,已經唔合格。租金點平都彌補唔到時間損失。
- 8000人仔即9800港幣,加每日兩程車,50,60掛。共萬二蚊。唔 ot返到屋都8點,食完飯就要瞓,因為要6點起身 7點出門。生活方式自己決定
- 八千租屋, 每月來回車費5千未計時間損失, 點解唔返工附近租間一房萬鬆d, 每日訓多2粒鐘都唔止
- 問題係,如唔中環返工要每程大約1.5小時 (由屋企/公司 ——》關口——〉過關——》到達)。簡單來講,9點番工,最遲7點半出門口, 再計埋擦牙洗面,6點幾就要起身。
8000蚊都叫平?
當然,有網民認為在深圳月租8000元其實已算昂貴,同樣價錢在深圳會有更多更好的選擇,甚或不如以同價租住新界北區,來回車程和時間應與深圳差不多:
月租8000都叫平租,真係笑死人,睇嚟香港人真係唔知價
- 深圳8000人仔,已經超多選擇
- 8千租深圳真係貴,不如租上水元朗村屋車錢時間都係錢來
冇得計抵唔抵
同時亦有理智的網民認為應尊重內地男的選擇,更指這種跨境上班的情況日後越趨常見:
冇得計抵唔抵嘅,內文都有講公司同屋企基本上係點到點,唔使轉車淨係呢樣貴啲都值
- 佢覺得爽咪爽囉,舟車勞頓既野,日日累積左疲勞唔覺唔覺,可以好影響健康
- 沙中綫通車後,港深兩地時間真係縮短咗,我相信日後真係大把呢啲人同家庭係咁
7個上班最遙遠的距離
有網民盤點過香港最遙遠的上班距離,不難發現新界北區到港島上班的上名率極高。網民更笑稱上班是攀山涉水:
- 上水↔鴨脷洲
- 粉嶺↔小西灣河
- 西灣河↔沙頭角
- 粉嶺↔港大
- 上水↔杏花邨
- 屯門/上水↔長洲
- 梅窩↔大潭