【理財個案】讀者：你好，成老師。想問一下。因為我在21年尾樓是高峰期買入樓。買入咗沙田已補地價居屋。而家2025年佢已經係43年樓。470呎。
21年尾高峰期買沙田已補地價居屋
買入價已經係去到520萬到，但都要行一層樓梯。而家已經經歷緊大維修不過到依家都未維修完。而且樓價跌到去330幾至360幾萬。因為本人都已經同女朋友準備結婚。係2026年年頭。
薪金約四萬 女友薪金約三萬
本人薪金大概四萬，還有事同朋友合作經營生意。大概每月都有六萬蚊分行紅。不過都係分咗一年多啲。唔肯定呢個收入會唔會可以一直持續。女朋友薪金大概三萬一個月。我哋借咗八成。每月大概17600供款。但係我哋仲要供26年。
未結婚前可將自己個名加回父母舊公屋
但係而家仲有一個機會就係未結婚前我仲可以將自己個名加回去我父母嘅舊公屋。因為結婚後就已經唔可以加名。因為好似而家嘅情況好似賣咗佢，再買10年至20年內嘅選擇。不過當年嘅首期就完全化為烏有。呢幾年嘅供款都係等於冇供過。因為而家賣出去都可能要抬錢補50萬以上。
手頭上現有40萬現金
唔計結婚，大約手頭上現有40萬現金。同30萬股票。所以想你解答一下我應唔應該賣樓加名，之後租樓，等遲少少再有錢先換新居屋。定係而家呢一刻不變應萬變會比較好呢？或者應該點樣做或者可以有咩目標方向？但租樓又變相儲唔到錢。
租樓又變相儲唔到錢
股票都唔係收一d收息股。都係2025年同位入左貨。所以呢一刻都比較迷惘，希望成老師可以幫我解答一下。因為2021年嘅時候我哋兩關嘅人工加埋都唔過五萬蚊。加上當時五百幾萬只係可以買到啲新界區30至40年嘅樓。不過當然我哋都係想要大概400呎到啦。
想每個月可能有兩萬蚊去股票
我哋而家基本上每一個月都係用緊我哋嘅薪金，仲可以儲到每個月大概兩個加埋有一萬蚊。因為分紅嗰度就冇計算落去嘅。分紅嗰度基本上都係想每個月可能有兩萬蚊去股票。其他可能係做定期，同埋而家結婚留咗30萬。所以我都想知道我哋而家呢一刻兩個應該點樣做會比較好。
因為我哋如果繼續工呢一齊我供完之後已經69年有我都已經67歲而我女朋友都已經去到62歲。之後想靠層樓樣返我哋都好似唔太可能，因為做唔到逆按。
龔成老師分析︰長線有換屋需要
其實你們現時物業樓齡都有少少高，相信住到百年歸老架可能性較細，同時又存在不能逆按揭架問題，故長線都要換屋架需要。
由於現時已經有43年樓齡，投資價值會開始慢慢跌，建議就算唔係即時，都要規劃定未來幾年沽出。
建議加名 保留未來購屋資格
至於新物業，是租定買？如果你能力可以支持到自己供樓(講緊係有信心長線供得起)，建議係買。因為我預未來香港自住物業市場，會係平穏發展，唔大升，又唔大跌。所以，唔太值得你再等佢有明顯進一步回調機會。
最後係加名，建議都進行，保留未來購屋資格，比自己多個選擇。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
