【理財個案】讀者：老師，我現在有3個小朋友，兩個3歲，一個係bb，所以我無番工，得老公一份4萬收入，想問下有咩股票可以適當短炒賺少少，本來已經有好多收息股。
已有股票：
- 粵海
- 恆基
- 快手
- 小米
- alibaba
龔成老師分析︰短炒我見好多人都係蝕錢收場
短炒我見好多人都係蝕錢收場，股價中短期一定會有波動。而波動架原因可以同企業本質無關，只有長線股價才會反映企業質素，所以優質股一定要長線持有。你見全球最賺錢架投資人巴菲特，都唔會做短炒，只會係做長線投資。所以，建議你放棄短炒架想法。
現持股票有4點要注意
你上有架股票，都有長線投資價值。但有4點要注意︰
1) 粵海(0270)質素弱左，長線不要持有太多。
2) 你手上架都唔係收息股，而係平穏增長股(0270, 0012)和潛力股(1810,1024,9988)。
潛力股不確定性大
由於潛力股不確定性大，唔建議持有太多，最多佔組合4成好了。如果你經驗淺，或者較保守，比重要再進一步下調。長線應以平穏增長股作主力。
3) 長線建議加少少美股，去平衡地區性風險。如果唔識選股，可用指數ETF VOO。
4) 由於你家庭收入全靠你先生支援，故建議投資前預留半年至一年開支，作為應急錢，咁會較穏當。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
