【理財個案】讀者：老師，我月供中國銀行同工商銀行，大概一年多而家係咪應該要沽咗佢，再轉其他股票呢？好似升得都好高啦銀行股，出邊又好似吹緊啲風話隨時又大跌市，點好呢？
龔成老師分析︰內銀本身雖然適合收息
要睇翻你本身投資的目的。內銀本身雖然適合收息，但佢風險度都唔算細，因爲本身有壞賬問題，但股價在估值方面，已經反映了相關因素。
同時由於內銀已經有以一定的規模，股價增長力不強。不過，作為收息股可以。
作為收息股可以
因此，如果你投資的目標是收息的話(例如你係退休人士，想長線有穏定架被動現金流)，建議你可以不用理會股價的升跌，持有收息就可以。至於大市將會下跌的問題，其實股市一定有周期，同時存在風險，任何時候，股市都會有下跌的可能。
不會用「估走勢」方式去投資
相反，你係偏年青，這類股票就太保守，唔太適合你。同埋，記住我地作爲投資者，不會用「估走勢」的方式去投資，會因應平貴去定策略，去分段吸納優質股，並長線持有。
最重要是持有數量是「心安」
現時工商（1398）中國銀行（3988）都未到貴的水平。 因此，仍然可以持有住先。最重要的你持有的數量是你自己覺得「心安」，升跌都不會有太大的情緒波動，否則，就要考慮調整組合的比例。
重申我從來不搞任何群組
另外，由於近期好多股市騙案，我已經加强在IG同FB提醒大家小心（因為真係好多人受騙，絕對要提高警覺，同埋大家要多教身邊人，買股票就是買公司，要買有質素，唔好亂聽「必勝貼士」）。
同時，要重申我從來不搞任何群組，不搞whatsapp group，近期好多財經群組出現騙案，強烈建議大家離開所有不明來歷的群組，唔好認為多與不同人交流就一定好，你永遠唔知同你傾緊計果個是否騙徒，提醒身邊人要小心。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
