【理財個案】龔sir，想請教一下嚟緊點睇黃金同coinbase走勢呢？
龔成老師分析：Coinbase Global中短期仍會波動
Coinbase Global相信中短期仍會波動，長遠有發展，但由於近2年股價都上升好多，也反映了不少加密貨幣升值及政策利好的因素，所以在中短期，相信會波動，如果要進一步上升，就要等加密貨幣進一步上升，或美國有利好加密貨幣發展的政策出現先得。記住，這股高風險，不能持貨太多。
股價高風險 不能持貨太多
Coinbase Global Inc（COIN）雖然有獨特性，但真正的長期價值有多少，根本好難估。佢係加密經濟技術供應商，佢從平臺上的交易中產生大量交易費用的凈收入，以區域來講，佢大部分收入來自美國，其次是世界其他地區。
近年BTC和ETH ETF相繼出台
近年BTC和ETH ETF相繼出台，而部份會對佢架託管業務造成正面影響。睇翻現時大部份BTC ETF，都係用佢做託管人。如果未來再有新的加密貨幣ETF要出台，相信集團依然能穏佔一個重要席位。
替代品功能 可以算係完結
不過，大家要留意一點。以往好多人投資Coinbase(COIN)，會視之為投資加密貨幣的替代品。但隨著BTC和ETH的ETF出現，佢而個替代品架功能，可以算係完結左。未來佢投資價值，就要完全睇翻佢業務和市場發展。至於它的業務價值，要分析就要睇翻虛擬貨幣長遠發展。
不要因為近期加密貨幣大升 就過份進取
近期BTC和ETH都升左唔少，主要係受到新任美國總統將會由較支持加密貨幣的Donald Trump出任所影響。不過，大家要明白佢雖然係選舉架時候，講左好多對加密經濟正面的說話。但何時落實、如何落實、甚至會唔會真係落實，依然係有一定變數，所以不要因為近期加密貨幣大升，就過份進取。
Coinbase整體發展依然有不確定性
始終成個加密經濟好新(雖然已經比多年前成熟)，而Coinbase整體發展依然有不確定性。同時，以本質來說，虛擬貨幣是人為創造出來的，絕對不是「資產」，有沒有真正的價值，如何定義真正的價值，未知，亦令COIN的價值，變成未知數。
長遠的價值取決於「有多少人用」
長遠的價值，取決於「有多少人用」，如果長遠好多人用，的確可能有高價值。但如果無人用虛擬貨幣，這公司都無價值。
分析長遠是否好多人用 是非常困難
因為分析長遠是否好多人用，是非常困難，因此，當中存有相當的風險，當然，潛力同樣都大。你若睇好加密經濟發展，可以投資。但你要明白成個加密經濟仲係好新，故未來發展的不確定性相當之高。
投資時 緊記要控制注碼
投資時，緊記要控制注碼，只能投放一個輸左都唔會明顯影響組合的比重，並以數倍增長作為目標去長線持有，咁就可以了。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
