【理財個案】讀者：老師你好，多謝你之前嘅建議。暫時我哋嘅資產組合都無變，兩層樓，1,1093,1177各1手同埋一啲基金。不過家庭計劃上就改變好多，因為移民唔批，我哋會留返係香港。我地3個小朋友再唔能夠住一個兩房單位，決定要住大啲，不過香港住屋真係好貴。
唔想一買一賣好多稅同雜費
因為想住近我媽，而果區嘅樓價升得慢，又唔多交投，亦唔想一買一賣好多稅同雜費，仲未計裝修，好多開支，決定租黎住。而家租3萬1，而現住單位如果成功租出，連埋另一個單位嘅租金，估計有3萬7-8。
租都有支出
不過租都有支出，買賣時嘅支出，係賣樓之後還貸款同埋再借貸上，總會有啲現金可以用。但租住要一次過俾3個月租，同埋要買啲傢俬個啲，而家現金流比較少，但唔太知應該賣股票、退休保（十多萬）或基金（幾十萬）黎週轉。
龔成老師分析︰
首先，我地任何時間都係生活行先，有餘力才會增值投資。如果你短期生活資金不足，可以先沽少少資產平衡。次序主要會用質素決定。
- 股票︰有質素，建議長線持有。但你組合1177、1093都是同業，因此之後如果再加股票，未必適合加這行業，否則會太過集中。
儲蓄保︰長線增長力唔高
- 儲蓄保︰長線增長力唔高，除非你保守，否則不建議加大。至於現有儲蓄保，如果有10-15年以上，可以考慮提取。但睇清楚裡面有無其他附約保障，以免取消主保單(即儲蓄保)時，同時取消了其他保障附約。
- 基金︰除非佢係長線跑嬴大市(扣除費用後)，或者你好唔識選股，否則我對投資基金有保留。
另外，由於現有物業已經唔適合你地家庭長線居住，長遠你都要考慮調整物業(例如2變1，去買新自住屋之類)。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
