中原地產表示,節日氣氛漸濃,買賣雙方開始準備過年,影響睇樓活動。中原十大屋苑睇樓量本周末錄378組,按周再跌1.6%。十大屋苑每呎實用叫價中,6個屋苑維持不變,4個屋苑減價。
中原地產十大屋苑睇樓量本周末再跌1.6%
中原地產十大屋苑本周末預約睇樓量錄得378組,較上周再跌1.6%。中原地產亞太區副主席兼住宅部總裁陳永傑表示,臨近歲晚,新年節日氣氛漸濃,屬傳統樓市淡季,部份業主買家已開始準備過年,影響睇樓活動,料下週交投會更進一步轉靜,不過市場上亦有買家希望趁新年前偷步入市,若業主減幅吸引,亦能吸引買家目光,料過年後交投量會明顯回升。
太古城每呎實用叫價17900元
港島區方面,中原地產太古城東山閣資深區域營業董事趙鴻運表示,臨近歲晚,節日氣氛濃厚,加上發展商趕於歲晚前衝刺,紛紛推盤,分薄二手市場目光,二手買賣成交漸放緩,太古城本月暫錄8宗成交,較上月同期少約5成,平均實用呎價14316元。太古城本週末睇樓氣氛亦平平,錄25組預約,按週下跌3.8%,每呎實用叫價保持約1.79萬元水平。
康怡花園每呎實用叫價13200元
中原地產康怡首席分區營業經理楊文傑表示,康怡花園本月暫錄3宗買賣成交,比上月同期少7宗,平均實用呎價則上升6.7%,報13127元。週末港島區未有新盤開售,部份向隅客回流二手市場,康怡花園週末睇樓氣氛較上週好轉,按週升12.5%。
十大屋苑周末睇樓量及平均叫價(港島區)
屋苑 |
本周六、日 睇樓量 /升跌幅 |
每呎實用叫價(元) /升跌幅 |
太古城 |
25 (-3.8%) |
17900 (-0.6%) |
康怡花園 |
45 (+12.5%) |
13200 (無升跌) |
海怡半島 |
25 (-16.7%) |
15751 (-0.2%) |
美孚新邨每呎實用叫價10800元
九龍區方面,中原地產西九龍美孚萬事達第三分行分區營業經理馮健平表示,美孚新邨本月至今暫錄約14宗買賣成交,平均實用呎價慢慢回升至9070元水平,重返九字頭。隨著農曆新年漸近,過節氣氛愈趨濃厚,有業主已率先暫停開放單位供買家睇樓,料二手睇樓活動將逐步轉靜。美孚新邨本周末預約睇樓量維持45組,睇樓氣氛低位徘徊,每呎實用叫價亦保持10800元,料過年前交投氣氛依舊平平。
新都城每呎實用叫價15638元
中原地產將軍澳蔚藍灣畔第二分行經理關偉豪表示,春節長假迫近,買賣雙方見市場偏靜,逐步擱置睇樓活動,加上同區有全新盤開售,搶去部份二手客源,二手睇樓氣氛稍降,將軍澳新都城本周末預約睇樓量錄得45組,按周下調10%,每呎實用叫價最新報15638元。新都城本月至今暫錄6宗成交,平均實用呎價13564元。
十大屋苑周末睇樓量及平均叫價(九龍區)
屋苑 |
本周六、日 睇樓量 /升跌幅 |
每呎實用叫價(元) /升跌幅 |
美孚新邨 |
45 (無升跌) |
10800 (無升跌) |
麗港城 |
50 (無升跌) |
10960 (無升跌) |
黃埔花園 |
25 (無升跌) |
14000 (無升跌) |
新都城 |
45 (-10%) |
15638 (-0.2%) |
沙田第一城每呎實用叫價12900元
新界區方面,中原地產沙田置富第一城分行副區域營業經理伍錦基表示,本月整體交投氣氛正面,但新年將至,節日氣氛漸濃,影響睇樓活動,本週末錄約50組睇樓量,較上星期無升跌,本月至今屋苑暫錄約3宗成交,交投量較上月同期跌約50%,料本月二手成交低迷,過年後才有起色。
嘉湖山莊每呎實用叫價8900元
中原地產天水圍副區域營業董事伍耀祖表示,農曆新年將至,近日市民忙於準備過年,業主及買家普遍按兵不動,留待過年後再作買賣決定,睇樓客亦明顯減少。嘉湖山莊本周末錄得60組睇樓預約,繼續於低水平徘徊。除農曆新年因素,新一年新盤亦未停出擊,其中屯門青山公路細價新盤將於明日首輪開售,凍結大量購買力,嘉湖山莊近日交投緩慢,本月累錄14宗買賣成交,平均實用呎價則跌穿8000元,創11個月低位。相信短期內二手交投維持低迷,過年後才有望見起色。
十大屋苑周末睇樓量及平均叫價(新界區)
屋苑 |
本周六、日 睇樓量 /升跌幅 |
每呎實用叫價(元) /升跌幅 |
沙田第一城 |
50 (無升跌) |
12900 (無升跌) |
嘉湖山莊 |
60 (無升跌) |
8900 (無升跌)) |
映灣園 |
8 (-25%) |
10410 (-0.2%) |
免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。