【理財個案】讀者:老師,本人現持有以下股票,已經有4-5年。揸咗咁多年都係蝕,好似上唔返咁。嚟緊特朗譜上場,經濟應該仲會再差,我應該止蝕嗎?以下股票還有質素嗎?
理財個案|現持有以下股票:
股票 | 數量 | 買入價 |
0066 | 1005 | 46 |
0823 | 1531 | 71 |
1658 | 10000 | 5.4 |
1928 | 2800 | 32 |
9988 | 600 | 260 |
- 823領展 跌超過50%
- 9988買入價$260,今日得84.已經跌咗6成有多
請呀Sir給予意見
龔成老師分析︰近幾年港股表現都相對偏弱
近幾年,港股因爲疫情、戰事、加息等一連串不利因素,表現都相對偏弱。現時雖然疫情已經過去,但經濟復蘇需要時間,如果企業有質素的話,長遠可以考慮守住先。
阿里依然可以持有 如太多貨要反彈時減持
阿里(9988)增長慢左,加上近年競爭大左,影響佢賺錢能力。你個買入價當日唔係話貴,但因為幾年前中央政策大變,影響左佢架核心質素,令到合理估值有明顯回調。你依然可以持有,但要控制持股的比例,不宜持有太多。如果太多貨,就可能要反彈時減持。
港鐵有質素可長線
- 港鐵(0066)有質素,可長線。佢是全港唯一的鐵路營運商,加上政府會比佢地產方面的優勢。長遠正面,可以守,但增長力比過往年代有所減少。
- 領展(0823)雖然增長力比過往年代略減,但整體仍是有質素,是收息及平穩增長型的房託,可以守。
- 郵儲銀行(1658)、金沙(1928)有質素,可以守。
大環境現時未有明顯的好轉
整體而言,你持有的企業都有質素,但大環境現時未有明顯的好轉,因此,要有持貨的耐性。同時,美國政府的換届唔代表經濟一定差,不過,如果按照特朗普之前的政策,有機會令中美雙方關係較爲緊張,令到市場進一步波動。
作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。
免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。