【理財個案】讀者:我玩短炒蝕咗好多!求指教、安慰、未來指引。仲借咗D$炒,蝕咗,好傷心,唔想比老婆知。現在是否要停止?
龔成老師分析︰人生或投資 好難一帆風順
我明白你想生活變好,但事與願違架心情。其實無論人生定係投資,好難係一帆風順。好多成功架名人,係成功之前都會行錯好多路,做錯好多決定。最重要,係你有無修正方向,重新上路的能力。
長線投資贏錢的人 比短炒的較多
其實我20年前,都是短炒者,技術分析者,用左幾年,輸足幾年,之後長線投資,就開始不斷賺錢。我之後做銀行同證券行,見大部分輸錢的客,都是偏向短炒的。當然,你問我有無人贏錢,是有的。但就我觀察,長線投資贏錢的人,比短炒的較多。
巴菲特都是反對短炒的
另外,如果你分析全球真正賺錢的投資者、經金經理,佢地都無人短炒,都是長線投資的,巴菲特都是反對短炒的,佢都唔用技術分析。因此,我相信長線投資,是真正助我地贏錢的方法。
你現時要做︰
- 停止短炒,學好真正正確的投資模式。建議用巴菲特的價值投資法,透過買入優質企業和複利效應,去進行財富增值。
- 停止借錢投資,不論短炒定長線,我都不建議做槓桿,因為會倍大風險。
- 坦白同家人商量,因為投資好多時係關乎一個家庭架事。長線大家有商量,了解大家睇法,令行動和想法變得一致,長線對你投資百利而無一害。
加油!!!
作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。
免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。