【理財個案】讀者：你好，我是你的投資書讀者，現在投資陷入膠著，想請教一下，我投資美股，有時有賺，但好多股都被套住了，我應該堅持等下去嗎？（附上組合資料）
龔成老師分析︰不要被買入價影響
首先你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。 如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。
衍生工具產品風險高
你手上股票，有部份係衍生工具產品。本身佢地風險高，我唔建議投資。 其餘股票，除左富途(FUTU)叫做有質素D之外，其餘都係不確定性好高架企業。 而類企業唔係話唔投資得，佢地長線發展成功，係可以有一定升幅。但若果發展不似預期，佢地可以比大市跌多好多。
建議將部份股票換碼至穏增長股
總括而言，你組合架風險度太高，建議你將部份股票，慢慢換碼至一些平穏增長股，會對你更有利。 以下是一些具質素的平穏增長股，你可以參考下︰ 平穩增值股︰ 指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：
美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。 如果你有睇開我架書，應該會明白投資係一個長期計劃。
緊記提升自己投資知識
一個具質素和平均性高架組合，對你財富累積係極其重要。你要緊記提升自己投資知識。因為長線投資回報，係必然同你架知識水平成正比。 我建議你要多讀投資相關書本、年報，新聞和報讀相關課程。書本上，你可以睇我寫的《圖解股票小百科》、《圖解美股小百科》、《80後千萬富翁》和《財務自由行》，都適合初學者。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
