【理財個案】你好龔Sir，我已經56歲了，有些擔心退休前是否可以供完層樓。以下是我的資產組合和情況，希望Sir給予意見和指敎。謝謝你。
股票較散 一直沒機會走貨
我的股票都比較散，而一直沒有機會走貨(無奈)股票方面是否繼續持貨or離場(即set止蝕價)？供股方面是否繼續供or停供等回報？一般供股睇幾多年？
如果繼續供比重會否過多？如果停供，每月供款錢應該放在那裡比較好，從而令財富有所增長？Or存入銀行作還物業借貸(這樣就不能令財富增長)？
我有一個物業欠銀行$300萬
- 供年期：23年
- 月供：$18000
- 收租金：$13000
其他資產
- 2022年買份年金月供：$2000
- 債券Bond約$9萬：當中$4萬(到期:2025)及$5萬(到期:2026)
- 現金：$32萬做緊定期
持有股票：
| 股票 | 數量 | 買入價 |
| 1816中廣核電 | 5000股 | $4.5 |
| 0001長和 1113長實集團 |
各500股 | $165 |
| 0941中移動 | 500股 | $115 |
| 2318平安保險 | 1000股 | $75 |
| 1398工商銀行 | 1048股 | $3.3 |
| 405越秀房地產 | 1000股 | $3.3 |
| 388港交所 | 500股 | $185 |
| 988中信國際 | 2000股 | $5.92 |
| 2628中國人壽 | 2000股 | $25 |
| 700騰訊 | 100股 | $438 |
| 2388中銀香港 | 1000股 | 忘記，因抽股 |
| 3988中國銀行 | 2000股 | 忘記，因抽股 |
認識你之後開始月供股票：
- 0003煤氣由2018-2020@$2000(供3年)
- 2800盈富由2019-2022@$2000(供3年6個月)
- 1928金沙由2021-2024@$2000(供4年)
- 1177中國生物由2021-2024@$2000(供4年)
-
2382舜宇由2021-2023@$2000與朋友各@$1000(供2年6個月)
龔成老師分析︰持股太多
其實你到明白一個問題，就係持股太多。長線建議集中係10隻左右，令自己較易定期審視佢地質素變化，對你係有利。至於是否停供，或減持。我地只會係佢去到好貴，或者核心質素變差先會做，而唔係因為個價格去做判斷。
月供方面，由於0003、1928近年核心質素弱左，雖然都有長線投資價值，但由於你應該有一定貨量，故建議停一停，轉供其他。
1177風險有少少高 建議減少
若外1177係潛力股，對你而言風險有少少高，建議減少少供款。整體持股都有質素，同時適合你年紀。除左1177，0700風險度較高，長線要慢慢減少比重。另外，建議加少少美股，去提高地區平衡性。長線要留意，個股和個別行業，唔好高過組合15%和30%(銀行業則為20%)。
以下是一些適合你年紀的優質股 可參考︰
平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
股票以外︰
- 是否提早還物業借貸，視乎你投資能力。因為投資雖有增長機會，但同樣係有不確定性，但還款節省的利息是保證。所以，你可以因應自己投資能力和風險取態，去做決定。
- 債券可持有，但緊記是A級債券。同埋係債券，而唔係債券基金。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
