【理財個案】讀者：你講過的潛力股，我之前已經有買（例如騰訊，比亞迪，小米）因為我比較想承受風險，因為有危至有機。現在想找平穩增長股去買，為將來需要，請問平穩增長股，我想找一d股息率有5-6%，請問有沒有推介（已有中移動）
另外有個問題，潛力股如何選擇？另外想問問有什麼AI股票推介？
龔成老師分析︰收息股增長力會較弱
平穏增長股，長線好少會去到5%以上。如果要咁高，可能收息股先有。但收息股增長力會較弱，你要自己平衡。目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。
潛力股有一系列指標
至於潛力股，其實有一系列指標，例如睇佢ROE，收益變化等等。不過，由於要配合埋年報等資料分析，比較複雜(唔係單純睇D數字，但可以判斷)，所以我只會留係課程度教。
至於AI股︰
其實有好多企業，都係AI方面進行投資。不過，具體講係好複雜，因為唔同架企業，係AI架業務和應用程度都所不同。部份AI相關企業：
- 上游設計晶片相關︰NVIDIA(NVDA)、AMD等等。
- 中游生產晶片相關︰ASML、Intel、Samsung、台積電(TSM)等等。
- 下游提供AI產品服務︰META、Microsoft、Google等等。
- 下游用AI優化現有業務︰META、Amazon、Microsoft、Google、Apple等等。
純粹睇好AI發展 可分注儲ETF
所以，你要睇翻自己認知和想法，去到決定投資邊樣企業。如果你無太多想法，純粹睇好AI發展，可以分注咁儲佢架ETF。但始終AI發展潛力係有，但不確定性都高，所以不能過於進取。
部份AI相關ETF：
(i) Global X Robotics & Artificial Intelligence ETF(BOTZ)主要投資於可能從機器人技術和人工智能 (AI)利用中受益的公司，包括那些涉及工業機器人和自動化、非工業機器人和自動駕駛汽車。前十大持股包括NVIDIA(NVDA)、直覺外科(ISRG)、KEYENCE CORP(6861.JP)、ABB LTD(ABBN)等大型企業。
有一定投資價值 但不確定性高
此股有一定投資價值，但不確定性高，市場對AI未來發展其實未有具體的想法，所以有少少係"估願景"。另外，要留意多一點，就是此ETF前5大股票佔去整個組合4成半。所以，這5間公司表現，好直接影響到ETF的升跌。總括而言，你投資係可以，但不宜過份進取。
建議用分注去慢慢儲貨
(ii) iShares未來人工智慧與科技ETF(ARTY)，基金是追蹤Morningstar Global Artificial Intelligence Select Index。前十大持股包括NVIDIA、AVGO、META、AMD、Google等大型企業。此股有一定投資價值，但不確定性高。投資係可以，建議用分注去慢慢儲貨，同時控制注碼。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
