【樓市走勢】讀者來信：Anthony Sir你好，政府之前不是說要讓市民住大啲嗎？但打壓樓價之後，好似換樓又換唔到，年青人又唔想買樓，似乎冇乜人受惠，點解會發生這樣的情況呢？
回覆讀者來信：樓價持續下跌 你開心嗎
住大啲…不過你買的物業，樓價持續下跌，你會開心嗎？這個問題我問過很多朋友…未買樓未上車的朋友，未有切膚之痛，他們通常會答…自己住，樓價升跌，有乜所謂？…重點是…看着樓價下跌，他們更不會買樓，有需要就租！…
已經買樓的朋友 感受至痛
相反已經買樓的朋友，感受至痛，很大怨氣…咪玩啦！點會開心？直頭日日鬧交！…身邊嘅朋友個個都笑你ON9，身邊嘅親人個個都怨你衝動！…睇住自己財富蒸發，食飯洗錢都冇心機！…有啲朋友變負資產，感覺好似辛辛苦苦儲落嚟嘅積蓄冇晒！…
供樓好辛苦 又賣唔到
經濟轉差，有啲朋友收入少咗，供樓好辛苦，又賣唔到！…就算住大咗又點，返到屋企，完全唔開心，直頭想Z…越嚟越覺得喺香港冇希望，越嚟越討厭，好想離開！…可惜我們的領導班子還未覺醒，幾十萬一個月怎會明白？小業主的痛苦，負資產的痛苦，他們無動於衷…
住大啲…做到嗎？完全失敗
話說回來，當初堅守辣招盲目造地，推冧樓市，目的何在？官方說法，希望人人可以住大啲，希望更多人可以買樓上車！住大啲…做到嗎？完全失敗！先看有樓的小業主，可以換樓嗎？越來越少人有能力換樓！
點解？換樓…就是將現時的自住樓賣出去，然後買入更大的單位，有樓的朋友就會明白，很多小業主，大部份的積蓄，都已經用來付首期，買樓上車，現在樓價跌了兩成、三成、四成，怎麼賣樓？
不敢買！不會買！不想買！
劈價賣樓？輕則…首期冇晒！重則…負資產賣唔到！請問大當家、財爺…冇晒首期，甚至負資產，如何換樓？住大啲？再講未有樓的，真的可以買大啲、住大啲嗎？算術是這樣計，如果500萬樓儲5年，跌到350萬就儲3.5年…現實呢？抱歉！根本就…不敢買！不會買！不想買！
先講…不敢買！
如果明知樓價會繼續下跌，買了就會輸錢，怎會買？記住！樓價越是下跌，就越驚會繼續跌，普遍人就越不敢買樓！ 正如之前所說，不是你自己的問題，你身邊的朋友會笑你ON9，你身邊的親戚會埋怨你衝動，夫妻之間、家人之間，甚至會不斷為這事爭吵埋…根本就不敢買！
再講…不會買！
前景不明朗，收入減少，有錢都留來防身，怎會買？尤其是之前相信政府說明天會更好，用高成數買了樓的，更痛苦！樓市不景，經濟轉差，再加上這一波，大家都見到，北上消費潮，國內的內捲，直捲香港，很多人收入少了，甚至被裁員了，但還是要供樓，想賣又賣不出，多可憐，你敢摃嗎？
加上現在社交媒體，一窩蜂的做負面題材，搶流量，搶廣告，部份KOL甚至會生安白造，作故事、作醜聞，完全沒有社會責任，發國難財，發死人財，在這種氛圍下，就算有自住需要都不會買樓。
再講…不想買！
對中國人來說，買樓有很大的意義…落地生根！現在領導班子做的，剛剛相反，令到小業主傷心、討厭、想走！原本想幫年青人買樓，但你看看、問問、聊聊身邊的年青人，有誰會因為樓價下跌了兩三成而想去買樓的？現在的年青人，見到上一輩買樓落得負資產下場，香港經濟命懸一線，根本就不想買樓，情願貴少少租地方住，留多點錢去旅行去吃渴玩樂。
事與願違！越跌，越不敢買、不會買、不想買！
已經買樓的，換不到樓！還說住大啲，有錢供，收樓啦！未買樓的，不敢買，租住先！租金越搶越貴，越住越細！未試過，唔知…很難怪！但是試了，效果未如理想，就要修正！現在的情況，很簡單！就一句話…
讓樓價止跌回穩 解決負資產問題
可以參考主席及財政部的發言，要穩住樓價，止跌回升！擱置不必要的造地，例如交椅州、航空城等等，先做好北都，暫停賣地，讓樓價止跌回穩，解決負資產問題，可惜領導班子未醒覺，到今天還是未看到，負財富效益、負資產有多嚴重。
作者簡介：1% Anthony（ 第一桶金）、一巴仙（1%）投資培訓學院創辦人，TVB有樓萬事足、BenSir睇樓團II等顧問，多年來協助無數年青人成功上車，無數小業主倍增資產，財務自由！除了住宅，亦活躍於大陸樓、工商廈活化重建等，團隊是市場上最活躍的新晉發展商之一。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
