【理財個案】讀者：您好龔成，我前2年轉咗工作後 因收入唔穩定，就停左月供 388，2800，700。另外我持有既股票當中係呢4年已經lost 30%，咁樣係咪已經代表好多？我應止損嗎？
持有股票包括：
| 股票 | 虧損 |
| 66 | -25% |
| 388 | -27% |
| 700 | +26% |
| 788 | -15% |
| 823 | -37% |
| 1448 | -47% |
| 2800 | -15% |
| 3067 | -47% |
| 3319 | -91% |
| 9988 | -63% |
| 1177 | -22% |
| 1876 | -63% |
只有騰訊係正數 阿里巴巴應繼續持有？
當中只有700 係正數，我已經唔識點處理或入平貨去溝。9988 要唔要繼續投資？係咪需要解決某啲股票？月供應否繼續？想請教一下我應該點做 同埋您會點評價呢個投資組合🙏🏻
謝謝您！
龔成老師分析︰要學會如何分析投資
其實你第一件事，要學會如何分析投資。跌幅大，唔代表一定係你策略有問題，可能係大環境影響。跌幅少，唔一定係你選擇正確，可能只係運氣。所以，你要了解現時架狀況，是自身技巧問題，還是大環境所致。
優質股有一定跌幅都正常
過去幾年，全球受到通漲、戰爭等因素影響，令好多優質股都跌唔少。所以，你有一定跌幅，都正常。不過，如果你中途做好分注投資，去拉平均個買入價，整體跌幅應該會較少，這個是要未來調整的地方。
從質素上計，上述股票都依然值得持有，但要留意以下幾點︰
- 持股量太多，建議長線集中係10隻左右，會較易定期審視佢地架質素變化。
- 你現時組合明顯偏重晒係港股，建議你未來加入一些美股，令整個組合變得更平衡。
個別地區不建議超過組合的7成
但要留意，個別地區不建議超過組合的7成，如果不懂選股的話，可以考慮加入(VOO)，作用類似盈富（2800）。Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
美股波動不建議一次過大手買入
由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
3) 月供可以繼續，但建議都係集中最多10隻以內。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
