【理財個案】老師你好，想請教吓，我近年買咗一隻高收益嘅債券基金每年收緊11厘嘅利息，分每個月派。見而家個市咁波動，不論港股定係美股都好，放多啲錢放落去買債券基金暫時穩定收利息，會唔會穩陣啲？現在減息周期，你點睇債券基金市場？
想長遠累積資產
另一邊廂，我亦想長遠累積資產，而家VOO ETF，Visa ，Coca Cola我覺得好似貴左，如果月供會唔會好啲？定還是暫時建議留返多啲現金？至於港股月供長和及滙控 你有咩睇法？或者你有咩其他選擇/etf 會建議？謝謝你
龔成老師分析︰
債券，這其實只是「產品」，物業、優質股是「資產」，所以從財富本質上，我地應較集中持有「資產」，才對我地最有利(你可以睇睇《財務自由行》一書，我從財富本質上，講述了當中原理)。所以，債券類不建議佔我地財富組合太多。
債券基金種類
至於債券基金，坊間分好多種，你要小心睇，因為有d風險低，無乜問題，有d則有潛在的風險，絕對不是保本的產品，有機會出現了「賺息蝕價」的情況。
- 第一，有些債券基金，會投資「高收益債券」，即是「垃圾債券」，你一定要睇睇佢所佔的比率。
- 第二，債券基金往往不是單純地持有債券，而是可以作買賣，以及利用衍生工具作對沖等策略，即是可能有價格上的波動。
- 第三，不少銀行都會提供借貸，以槓杆去放大回報，以平息借貸去賺取息差。低息環境時間題不大，但進入加息週期，不止借貸成本增加，同時債券價格往往在加息期下跌，雙從打擊下，投資價值成疑。當然，若然加息步伐不快，息差利潤就可觀。
要明白當中的風險 要仔細分析
我不是說債券基金有問題，只是說明當中的風險，因為市面上的基券基金好多，你要仔細分析。至於VOO、Visa(V)、可樂(KO)現價唔平，但如果月供架話，因為會長線拉平衡個買入價，所以現價都可以月供。不過，始終現時美股大體上都唔平，所以就算月供都唔好過份進取。
2隻股票都適合長線持有
至於港股，你講架2隻股票都適合長線持有，現時在合理區較低位，可月供或分注。不過，長線你投資邊類型架股票，應該係要因應翻自己架年紀、投資知識、投資取態等去決定。
主要是平穏增長股
你上述提到的股票，主要是平穏增長股。若你係中年人士，上述股票係可以。但如果你係偏年青，就有少少保守，建議加少少潛力股。若你係近退休之年，則應該加少少收息股，咁會較適合。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
