【理財個案】你好龔成先生，想諮詢你一啲投資問題。本人28歲，大概存有30萬資產，每月薪金平均有21000-22000，從未試過投資 ，希望黎緊穩定收息，4-5年內儲到首期置業 近來想從月供股票開始，每月供款可以騰出7000元左右，請問應該同時供幾多隻股票同埋應該持有幾耐時間會比較好？
理財個案｜哪隻月供股票比較推薦？
我呢排有留意中國銀行，中國移動同埋交通銀行，請問佢地適合而加開始月供嗎？ 如果吾適合，有無第二啲股票比較好，你會比較推薦？ 另外選擇呢啲月供股票，需要留意咩既數據黎決定投吾投資？我係咩時候應該沽出？
應該大多數選擇保守型股票？
我知道我選擇既都係一啲保守型既股票，係咪應該選擇一至兩隻進取少少既股？定抑或月供股票係應該大多數選擇保守型股票？謝謝你
另外想問一問咩情況應該供多少少或者係供少啲，甚至咩時候應該停供，又或者係應該繼續供返？ 謝謝你龔成先生
龔成老師分析︰28歲建議投資較具增長力股票
你所講架3隻股票，係適合月供。但其實你還年青，而且目標係增升財富，所以唔太建議集中係收息股(除非你好保守)。以你現時28歲去計，(不論是用於長線增值，還是累積5年後置物資金)我一般會建議你投資「平穏增長股」和「潛力股」而類較具增長力的股票。
用一邊月供一邊儲蓄的策略
你每月5成儲蓄，即是用$3500做月供，其餘先儲起，用一邊月供一邊儲蓄的策略。選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：
美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
潛力股風險較高
但潛力股風險較高，對投資知識要求較嚴格，所以你可以先集中在平穏增長股上，甚至先集中供盈富(2800)和VOO這類指數ETF。到你投資知識有所提升後，才慢慢加入潛力股到組合之中。
餘下的另一半現金，我地就等機會，當大市出現較大回調，就加大力度掃貨，然後作長線投資。
月供最重要係長線穏定進行
月供最重要係長線穏定咁進行和選擇優質股咁就得，時間上建議最少供3年和持有5年，會較好效果。最重要係唔好供下停下，因為咁樣做，會影響左個平衡價格波動風險架效果。
我地只會係好貴或者好平，先會調整個供款額。但係你無估值能力架大前提之下，你一直供會係最穏當架做法。至於沽出時間，如果你無定平貴能力，可以用"升一倍、沽一半"做策略，去先收回成本，其餘零成本長線持有。
更多理財方法及股票投資入門內容
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
