理財個案｜女兒3年後到外國升學！3年學費共36萬現得10萬在手點搞

【理財個案】讀者：你好呀！龔成！三年後準備阿女去外國讀書，見到學費大概一年12萬左右，讀3年。手頭有10萬cash ，打算每個月努力只可儲5000蚊。請問仲有冇其他方法，可以喺三年裏面儲多少少錢做後備？感謝！

理財個案｜龔成老師分析︰年投資回報10% 3年後都係得32萬

你小朋友一年要$12萬學費，三年就是$36萬。而你現時手上有10萬現金+每月能儲$5000，一年便是$6萬。你可以考慮自己的風險承受程度，以及投資目標，決定是否投資股票，還是大部分儲現金。當你年投資回報10%咁計，3年後都係得32萬左右。而且，3年唔係一個長時間，最終回報會比較波動。

仲未計算需要的生活費，你手上的現金對於俾小朋友去外國讀書來講的確有點不足。我建議你盡力加大儲蓄(例如兼職來增加收入)，另外在現時的開支中，能否省下較多的錢？可以利用手機記賬的方法，檢討自己現時的現金流向。同時唔係投資太進取的股票，以平穏增長股和收息股作目標。

如果你擔心風險，就不要投資股票，只儲現金。如果能承受風險，就可買股票。有一點要留意，始終3年時間不算長，到時股價都會有不確定風險，因此，你要考慮自己的風險承受能力，決定投資多少股票的比例，如果擔心，就應該持有較多現金，股票要較少。

你可以參考以下做法，現在你每月先用5成儲蓄，即$2500做月供。其餘先儲起，用一邊月供一邊儲蓄的策略。

月供方面，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800.HK）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388.HK）、港鐵（0066.HK）、港交所（0388.HK）、長建（1038.HK）等，你可以了解下，並從中選股。

收息股，例如高息基金（3110.HK）、港燈（2638.HK）、深高速（0548.HK）、香港電訊（6823.HK）、工行（1398.HK）、置富（0778.HK）等都可以

現時大市大致算在合理區下部(港股)和上部(美股)，你現有10萬資金可以先投入一半，用"分注"形式，慢慢買貨。餘下一半和每月所儲到的資金，就等大市出現一定程度的下跌，才大力度掃貨，然後長線投資。