【理財個案】3X歲讀者與丈夫正在供樓，不打算有下一代。兩人一起做生意，每月總利潤5至30萬，由於非常浮動，壓力很大不想再做，望可靠資產創被動收入。
理財個案｜3X歲夫妻不打算生育
老師，本人及老公3X歲，一齊做一壇生意，每月總利潤5-30萬（非常浮動）。無小朋友亦不打算有，每月開支供樓3萬另加使費2萬左右（比較大使）
現持資金
- 500萬HKD現金（暫時都係用於做定期食息，3個月3個月咁續，4-4.5%）
- 50萬USD現金（短期定期5.5%）>hold美金主要驚有一日突然脫勾
- 一層1300萬市值的自住樓，仲有630萬未供完
- 30萬坐緊艇的股票（主要係收息股）結束生意預計可攞返50萬資金
結束生意預計可攞返50萬資金
另外結束生意的話預計應該可以攞返50萬資金。現時有一層月供1萬的放租樓，月收12000（扣埋稅同雜費幾本上無得剩）。因為係舊樓40年左右已做大維修但好難放賣，市值3百幾萬左右。如果賣出應該可以回返100萬現金流。
生意十分不穩定 壓力非常大
由於生意十分不穩定，壓力非常大，所以好想係3年之內唔做，亦唔想再做野，按以上資料，現在應該有咩部署？有無可能呢如果真係唔想做野，唔住而家層貴樓會否可行?（例如換返間2房細D）有感加息期總有一日會完，想趁股市低入定市先。另外黃金的話hold實金會唔會稳陣D？現時值得入嗎？
感謝你，祝你生活愉快
龔成老師分析︰要財務自由後生活使費作定義
首先，你要為自己財務自由後生活使費，作出一個定義。因為每個人希望過架生活不同，所以需要的本金都會不同。若你希望退休後，每月有5萬蚊現金流，以股息率6%計，你需要本金1000萬。因此，我哋要以這1000萬作為目標，透過一些有增長力的股票，去累積這筆資金。
退休時換成為收息資產
到你退休時，再將這些有增長力股票，換成為收息資產（如收息股、年金、債券等），去創造你需要的5萬蚊現金流。其實你現時手上現金+股票，已經好接近1000萬，若每個月5萬是你的目標，其實現時已可以著手創建收息組合（如收息股、年金、債券等）。若5萬不足，你就要利用手上資金，再進一步增值。
放租物業建議盡早沽出
- 生意部份，我無太多意見，一盤賺錢架生意是優質資產，我一般不建議放棄。但如果同你生活有背道而馳，則另作別論。
- 至於物業，放租那個物業如果只係收支平衡，同時又無乜增長潛力，甚至預佢只係一直貶值，建議盡早沽出。取回資金，用於更有效益的地方。
大市在合理區中下部有一定值博率
現時大市在合理區中下部，有一定值博率。而你手上架股票，都係有長線投資價值。但未來增加邊類股票，就要睇你具體計劃。例如想再增值下先，就買潛力股和平穏增長股。若本金已經足夠退休，就集中收息股。
黃金唔係用來投資增值
而黃金，純粹係用來對沖巨大黑天鵝事件，唔係用來投資增值。你買實金係可以，但最多佔組合3%好了。由於係用來平衡風險，所以價格唔係重點，你現價去入都可以。
更多股票投資入門及理財方法內容
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
